‘ഫെയ്സ്ബുക്ക് കാമുക’നൊപ്പം പോകാനാണ്‌ ചോരക്കുഞ്ഞിനെ ഉപേക്ഷിച്ചതെന്നാണ്‌ രേഷ്‌മയുടെ മൊഴി. വ്യാജ ഫെയ്സ്ബുക്ക് അക്കൗണ്ട്‌ വഴി കാമുകനെന്ന പേരിൽ രേഷ്‌മയുമായി ചാറ്റ്‌ ചെയ്‌ത ആര്യ, ഗ്രീഷ്‌മ എന്നിവരുമായുള്ള രേഷ്‌മയുടെ ഇടപാടുകളെക്കുറിച്ച്‌ കൂടുതൽ വിവരങ്ങൾ അന്വേഷകസംഘം തേടും. രേഷ്‌മ അസ്റ്റിലായതിനെ തുടർന്ന്‌ ചോദ്യംചെയ്യലിനു ഹാജരാകാൻ പൊലീസ് വിളിച്ചതോടെയാണ്‌ ഇരുവരും ഇത്തിക്കരയാറ്റിൽ ചാടി മരിച്ചത്‌. രേഷ്‌മയുടെ ഭർത്താവ്‌ വിഷ്‌ണുവിന്റെ സഹോദരന്റെ ഭാര്യയാണ്‌ ആര്യ. ഗ്രീഷ്‌മ വിഷ്‌ണുവിന്റെ സഹോദരിയുടെ മകളും. ‘അനന്തു’ എന്ന വ്യാജ പ്രൊഫൈലിലൂടെ ഇവർ ഒന്നരവർഷമായി രേഷ്‌മയുമായി ചാറ്റ്‌ ചെയ്‌തിരുന്നതായാണ്‌ പൊലീസിന്റെ കണ്ടെത്തൽ. ഗ്രീഷ്മയുടെ സുഹൃത്തിന്റെയും ആര്യയുടെ ഭർതൃമാതാവിന്റെയും മൊഴിയാണ് അന്വേഷണത്തിൽ വഴിത്തിരിവായത്‌. ഇരുവരുടെയും രഹസ്യമൊഴിയെടുക്കാൻ ചീഫ് ജുഡീഷ്യൽ മജിസ്ട്രേട്ട് കോടതിയിൽ പൊലീസ് അപേക്ഷ നൽകിയിട്ടുണ്ട്‌.
0 Comments