നാല് വയസുകാരിയെ ലൈംഗികമായി പീഡിപ്പിക്കാൻ ശ്രമിച്ച കേസിൽ വൈദികനെ തപ്പി പൊലീസ്

 

സുബിൽ കുമാർ

ആലുവ നാല് വയസുകാരിയെ പീഡിപ്പിക്കാൻ ശ്രമിച്ച കേസിൽ വൈദികനെതിരെ കേസെടുത്ത് പൊലീസ്. മരട് സെന്റ് മേരിസ് മദ്‌ലേനിയൻ ദേവാലയത്തിലെ സഹവികാരി വരാപ്പുഴ സ്വദേശി സിബി വർഗീസിനെ തിരെയാണ് എടത്തല പൊലീസ് കേസെടുത്തിരിക്കുന്നത്.

ഇയാൾ എടത്തല പഞ്ചായത്തിലെ കുഴിവേലിപ്പടിയിൽ ഒരു വീട്ടിൽ നിത്യസന്ദർശകനായിരുന്നു. ഈ വീട്ടിലെ കുട്ടിയെ രണ്ട് തവണ ലൈംഗികമായി പീഡിപ്പിക്കാൻ ശ്രമിച്ചെന്നാണ് മാതാവ് കോടതിയിൽ രഹസ്യമൊഴി നൽകിയത്. തുടർന്ന് കോടതി നിർദ്ദേശപ്രകാരമാണ് പൊലീസ് കേസെടുത്തത്.

 പൊലീസ് കേസെടുത്തതിന് പിന്നിലെ വൈദികൻ ഒളിവിൽപ്പോയിരിക്കുകയാണ്.