പട്ടാപ്പകൽ യുവതിയെ കടന്നുപിടിക്കാൻ ശ്രമം; കുതറി മാറി അക്രമിയെ തള്ളിയിട്ട ശേഷം സ്‌കൂട്ടർ പൊക്കി ഓടയിലിട്ട് യുവതി

ഗുവാഹട്ടി : പട്ടാപ്പകൽ സ്‌കൂട്ടറിലെത്തി കടന്നുപിടിക്കാൻ ശ്രമിച്ചയാളെ കയ്യോടെ പിടികൂടി യുവതി. അസമിലെ ഗുവാഹട്ടിയിലെ രുഗ്മിണി നഗർ തെരുവിലാണ് സംഭവം. പകൽ നടന്നുപോവുകയായിരുന്ന യുവതിയെ പുറകേയെത്തി ശല്യം ചെയ്തയാളെയാണ് ഭാവന കശ്യപെന്ന യുവതി ഒറ്റയ്ക്ക് നേരിട്ടത്. അക്രമിയുടെ പേരും ചിത്രവുമടക്കം ഫേസ്ബുക്കിൽ പങ്കുവെച്ചതോടെയാണ് മാദ്ധ്യമ ശ്രദ്ധനേടിയത്.

സ്‌കൂട്ടർ കുറുകെ നിർത്തി യുവതിയോട് ആദ്യം യുവാവ് വഴി ചോദിച്ചു. സ്ഥലമറിയില്ലെന്ന പറഞ്ഞതോടെ ലൈംഗിക ചുവയോടെ സംസാരിക്കുകയും ശരീരത്തിൽ കയറിപിടിക്കുകയും ചെയ്‌തെന്നാണ് യുവതി പറയുന്നത്.

ഒരു നിമിഷം പകച്ചുപോയെങ്കിലും ഉടൻ പ്രതികരിക്കാനായെന്നും യുവതി പറഞ്ഞു. ശല്യപ്പെടുത്തിയ ശേഷം സ്‌കൂട്ടറോടിച്ച് പോകാനൊരുങ്ങവേയാണ് പെൺകുട്ടി പ്രതികരിച്ചത്.

വാഹനത്തിന്റെ പുറകിൽ കയറിപിടിച്ച പെൺകുട്ടി സ്‌കൂട്ടിയുടെ പുറകുവശം ഉയർത്തിപ്പിടിച്ചു. തുടർന്ന് സർവ്വശക്തിയുമെടുത്ത് സ്‌കൂട്ടി തൂക്കിയെടുത്ത് വശത്തുള്ള ഓടയിലേക്ക് ഇട്ടു. വാഹനമടക്കം നിലത്തുവീണ അക്രമി തുടർന്ന് വണ്ടിയെടുത്ത് പോയെങ്കിലും ഫേസ്ബുക്ക് വീഡിയോ കണ്ട പോലീസ് സ്വയം കേസ്സെടുക്കുകയായിരുന്നു.

• ആളുകളെ പ്രലോഭിപ്പിച്ച് കേരളമാകെ തട്ടിപ്പ്!, ഗുണമേന്മയുള്ള കാര്‍ഷിക വിളകള്‍ നല്‍കാമെന്ന് വിശ്വസിപ്പിച്ച് ജെയിംസുണ്ടാക്കിയത് കോടികള്‍
• തമിഴ്നാടിന് മൂന്നിരട്ടി ഫണ്ട് നൽകിയിട്ടും ചിലർ മുറവിളി കൂട്ടുന്നു: തമിഴ്‌നാട് സർക്കാരിനും മുഖ്യമന്ത്രി സ്റ്റാലിനുമെതിരെ പ്രധാനമന്ത്രി നരേന്ദ്ര മോദി
• പാരച്യൂട്ട് പരിശീലനത്തിനിടെ അപകടം; പരിക്കേറ്റ വ്യോമസേനാ പരിശീലകൻ മരിച്ചു
• പിടികൂടാന്‍ എത്തിയ പൊലീസുകാര്‍ക്ക് നേരെ ആക്രമണം!, മോഷണക്കേസ് പ്രതികള്‍ പൊലീസുകാരനെ കുത്തിപ്പരിക്കേല്‍പ്പിച്ചു