ഭിന്നശേഷിക്കാരിയായ ബാലികയെ ലൈംഗികമായി ഉപദ്രവിക്കാൻ ശ്രമിച്ചയാൾ അറസ്റ്റിൽ; സംഭവം കൊല്ലത്ത്

അഞ്ചൽ : ഭിന്നശേഷിക്കാരിയായ ബാലികയെ ലൈംഗികമായി ഉപദ്രവിക്കാൻ ശ്രമിച്ചയാളെ ചടയമംഗലം പൊലീസ് അറസ്റ്റ് ചെയ്തു.ചടയമംഗലം പാറയടിയിൽ പ്രകാശ് (37) ആണ് അറസ്​റ്റിലായത്. 

കഴിഞ്ഞ വ്യാഴാഴ്ച വൈകുന്നേരം നാലോടെ ആരുമില്ലാത്ത തക്കം നോക്കി വീട്ടിൽ കടന്ന് കയറി പെൺകുട്ടിയെ ഉപദ്രവിക്കാൻ ശ്രമിച്ചു. പെൺകുട്ടി ഉറക്കെ കരഞ്ഞ് ബഹളം വച്ചതോടെ പ്രകാശ് ഇറങ്ങി ഓടി. രക്ഷാകർത്താക്കളുടെ പരാതിയെത്തുടർന്ന് പൊലീസ് കേസെടുത്തു. കഴിഞ്ഞ ദിവസമാണ് പ്രതിയെ അറസ്​റ്റ്​ ചെയ്തത്. കൊട്ടാരക്കര കോടതിയിൽ ഹാജരാക്കി റിമാൻറ് ചെയ്തു.