ആദ്യ റൗണ്ടിൽ രവികുമാർ 2–1നു ലീഡ് നേടിയിരുന്നു. എന്നാൽ രണ്ടാം റൗണ്ടിൽ രവികുമാറിന്റെ കാലിൽ പൂട്ടിട്ട കസാഖ് താരം പൊടുന്നനെ 8 പോയിന്റുകൾ സ്വന്തമാക്കിയതോടെ സ്കോർ 2–9 എന്ന നിലയിലായി. മത്സരം അവസാനിക്കാൻ മിനിറ്റുകൾ മാത്രം ശേഷിക്കെ ഇന്ത്യൻ താരം കൈവിട്ടെന്ന് ആരാധകർ ഉറപ്പിച്ചിരുന്ന നിമിഷങ്ങൾ.
എന്നാൽ പിന്നീടു തുടർച്ചയായി 3 പോയിന്റ് നേടിയ രവികുമാർ ലീഡ്നില 5–9 എന്ന നിലയിൽ കുറച്ചു. ഇതിനിടെ കാലിനു പരുക്കേറ്റ കസഖ് താരം വൈദ്യസഹായം തേടി. പിന്നീടു മത്സരം പുനരരംഭിച്ചപ്പോൾ രവികുമാർ പൊടുന്നനെ 2 പോയിന്റുകൾ കൂടി നേടി സ്കോർ 7–9 എന്ന നിലയിലാക്കി. രണ്ടാം റൗണ്ടും മത്സരവും അവസാനിക്കാൻ 30 സെക്കൻഡുകൾ മാത്രം ബാക്കിനിൽക്കെ രവികുമാർ എതിരാളിയെ പിൻഫോളിലൂടെ കീഴടക്കി.
0 Comments