കൊല്ലത്തെ ഡി.സി.സി പ്രസിഡൻ്റ് സ്ഥാനത്തേക്ക് ചുരുക്കപ്പട്ടിക തയ്യാറായി, കടന്നുകൂടിയത്‌ അഞ്ചുപേർ.

ഡിസിസി പ്രസിഡന്റ്‌ സ്ഥാനത്തേക്ക്‌ ഹൈക്കമാൻഡ്‌ പരിഗണനയ്‌ക്ക്‌ കെപിസിസി നേതൃത്വം നൽകിയ ചുരുക്കപ്പട്ടികയിൽ കടന്നുകൂടിയത്‌ അഞ്ചുപേർ. പുനലൂർ മധു, പി രാജേന്ദ്രപ്രസാദ്‌, ആർ ചന്ദ്രശേഖരൻ, തൊടിയൂർ രാമചന്ദ്രൻ, എ ഷാനവാസ്‌ഖാൻ എന്നിവരാണ്‌ ലിസ്റ്റിൽ ഉൾപ്പെട്ടത്‌. ഇവരെല്ലാം ഗ്രൂപ്പുകളിലെ പുതിയ നേതൃത്വത്തിനൊപ്പം നിലകൊണ്ടുകഴിഞ്ഞു. ഐ ഗ്രൂപ്പിലെ പുനലൂർ മധു തെരഞ്ഞെടുപ്പുകാലത്ത്‌ ഡിസിസി പ്രസിഡന്റിന്റെ ചുമതല വഹിച്ചിരുന്നു. അടുത്തകാലത്തായി കെ സി വേണുഗോപാൽ, കെ സുധാകരൻ, വി ഡി സതീശൻ അച്ചുതണ്ടിലേക്ക്‌ ചാഞ്ഞുനിൽക്കുകയാണ്‌. രമേശ്‌ ചെന്നിത്തലയ്‌ക്ക്‌ ഒപ്പമുണ്ടെന്ന്‌ വരുത്തിത്തീർക്കാനും ശ്രമിക്കുന്നു.