സംസ്ഥാനത്ത് ബ്ലാക്ക് ഫം​ഗസ് രോഗബാധയേറ്റ് ചികിത്സയിലിരിക്കെ വയോധികൻ മരിച്ചു

കൊവിഡ് സ്ഥിരീകരിച്ച് ചികിത്സയിലിരുന്ന ഇദ്ദേഹത്തിന് ഈ മാസം 16 ന് നെഗറ്റീവ് ആയിരുന്നു. പിന്നാലെ ബ്ലാക്ക് ഫംഗസ് രോഗം സ്ഥിരീകരിയ്ക്കുകയും കോഴിക്കോട് മെഡിക്കൽ കോളജിൽ പ്രവേശിപ്പിക്കുകയും ചെയ്തിരുന്നു. തുടർന്ന് ആരോഗ്യനില മോശമായി ഒടുവിൽ ഇന്നലെ വൈകീട്ട് 6.15 ഓടെയാണ് അഹമ്മദ് കുട്ടി മരണത്തിന് കീഴടങ്ങി. കോഴിക്കോട് മെഡിക്കൽ കോളജിൽ പ്രവേശിപ്പിക്കുകയും ചെയ്തിരുന്നു. കോഴിക്കോട് മെഡിക്കൽ കോളജിൽ നിലവിൽ 52 വ്യക്തികളാണ് ബ്ലാക്ക് ഫം​ഗസ് ബാധയേറ്റ് ചികിത്സ തേടിയത്.

അതേസമയം, ഇന്നലെ വീണ്ടും എറണാകുളത്ത് ബ്ലാക് ഫംഗസ് ബാധ റിപ്പോർട്ട് ചെയ്തിരുന്നു. ഉദയംപേരൂര്‍ സ്വദേശിനിയായ വീട്ടമ്മയ്ക്കാണ് രോഗം സ്ഥിരീകരിച്ചത്. കൊവിഡിന് പിന്നാലെയാണ് രോഗബാധ സ്ഥിരീതിച്ചത്. വീട്ടമ്മയും ഭര്‍ത്താവും കൊച്ചിയിലെ സ്വകാര്യ ആശുപത്രിയില്‍ കൊവിഡ് ചികിത്സയിലാണ്.