രാവിലെ പെൺകുട്ടിയുടെ അച്ഛന്‍ ജോലിക്ക് പോയതായിരുന്നു. ഈ സമയത്താണ് കുട്ടി വീടിന്റെ അടുക്കളഭാഗത്ത് തൂങ്ങിമരിച്ചതായി കണ്ടത്. കഴിഞ്ഞ ജൂലൈയിലായിരുന്നു അയല്‍വാസിയായ യുവാവില്‍ നിന്ന് പ്ലസ് ടു വിദ്യര്‍ഥിനിയായിരുന്ന പെണ്‍കുട്ടി ലൈംഗികാതിക്രമത്തിന് ഇരയായത്. കേസില്‍ 31കാരനായ കോളനി നിവാസി വിഷ്ണുവിനെ ആ മാസം തന്നെ അറസ്റ്റ് ചെയ്തിരുന്നു. പ്രതി റിമാന്‍ഡിലാണ്.
പീഡനത്തെ തുടര്‍ന്ന് പെണ്‍കുട്ടി കടുത്ത മാനസിക സമ്മര്‍ദത്തിലായിരുന്നുവെന്ന് ബന്ധുക്കൾ പറഞ്ഞു. മൃതദേഹം കോന്നി പൊലീസ് ഇന്‍ക്വസ്റ്റ് നടത്തി പോസ്റ്റ്‌മോര്‍ട്ടത്തിനായി സ്വകാര്യ ആശുപത്രിയലേക്ക് മാറ്റും. പൊലീസ് മേൽനടപടികൾ സ്വീകരിച്ചു വരികയാണ്.
0 Comments