വൈദ്യുതീകരണ ജോലികള്‍ രാത്രിയും നടന്നിരുന്നു. ശേഷിക്കുന്ന പണികള്‍ പൂര്‍ത്തിയാക്കാന്‍ മക്കളും ജോലിക്കാരും എത്തിയപ്പോഴാണ് സജിത വീണുകിടക്കുന്നത് കണ്ടത്. ഉടന്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ചോര്‍ന്നൊലിക്കുന്ന പഴയ വീട്ടില്‍നിന്ന് മാസങ്ങള്‍ക്കുമുമ്പാണ് സജിതയും മക്കളായ മിഥുനും മൃദുലും വാടകവീട്ടിലേക്ക് മാറിയത്.
ഇതിനിടയില്‍ സജിതയുടെ ഭര്‍ത്താവിന്റെ അമ്മയുടെ പേരിലുള്ള സ്ഥലത്ത് വീട് നിര്‍മാണം ആരംഭിച്ചു. സ്വന്തം പേരിലുള്ളതല്ലാത്തതിനാല്‍ സര്‍ക്കാര്‍ സഹായം ലഭിച്ചില്ല. പക്ഷാഘാതവും ഹൃദയസംബന്ധമായ രോഗങ്ങളും ഉണ്ടായിട്ടും നിര്‍മാണജോലി വരെ ചെയ്താണ് സജിത രണ്ട് മക്കള്‍ക്കൊപ്പം വീടിന്റെ പണി ഏകദേശം പൂര്‍ത്തിയാക്കിയത്.
വാടകവീട് ഒഴിയേണ്ട സമയമായതോടെ വ്യാഴാഴ്ച അടിയന്തരമായി പുതിയ വീട്ടിലേക്ക് മാറാന്‍ തീരുമാനിക്കുകയായിരുന്നു.
വീടിന് സമീപത്തെ റേഷന്‍ കടയിലാണ് സജിത ജോലി ചെയ്തിരുന്നത്. കൂലി കിട്ടുന്ന മുറയ്ക്കായിരുന്നു വീട് പണി. പകുതി ജോലിയും ചെയ്തത് അമ്മയും മക്കളും ചേര്‍ന്നാണ്. മരുന്ന് കമ്പനിയില്‍ റപ്രസെന്റെററ്റീവാണ് മിഥുന്‍. മൃദുല്‍ കൂലിപ്പണിക്കാരനാണ്. മരുമകള്‍: ദിവ്യ എസ്.എല്‍.
0 Comments