തിരുവഞ്ചൂരിൻ്റെ രാഷ്ട്രീയ തന്ത്രം പാളിയെന്ന് അണികൾ, മകൻ്റെ നിയമനം മരവിപ്പിച്ചു

കടുത്ത എതിര്‍പ്പിനെ നിലനില്ക്കുന്നതിനെ തുടർന്ന് യൂത്ത് കോണ്‍ഗ്രസ് സംസ്ഥാന വക്താക്കളുടെ നിയമനം മരവിപ്പിച്ചു. തിരുവഞ്ചൂര്‍ രാധാകൃഷ്ണന്റെ മകന്‍ അര്‍ജുന്‍ രാധാകൃഷ്ണനെ യൂത്ത് കോണ്‍ഗ്രസ് സംസ്ഥാന വക്താവായി തെരഞ്ഞെടുത്ത പട്ടികയിൽ എതിർപ്പ് നിഴലിച്ചതോടെയാണ് നിയമനം മരവിപ്പിച്ചത് എന്നാണ് സൂചന. നേതാക്കളുമായി ചര്‍ച്ച നടത്തിയ ശേഷം തുടര്‍നടപടിയെന്ന് ദേശീയ നേതൃത്വം അറിയിച്ചു. ഇതോടെ തിരുവഞ്ചൂരിൻ്റെ രാഷ്ട്രീയ തന്ത്രം പാളിയെന്ന് കോൺഗ്രസ്സ് പ്രവർത്തകരായ ചിലർ പ്രതികരണവുമായി രംഗത്തെത്തി.