കൊല്ലം സ്വദേശി തൃപ്രയാര്‍ പാലത്തില്‍ നിന്ന് പുഴയിൽ ചാടി ജീവനൊടുക്കി

തൃശൂർ : തൃപ്രയാര്‍ പാലത്തിൽ നിന്നും പുഴയിൽ ചാടിയ കൊല്ലം ഏരൂര്‍ വിമലാ മന്ദിരത്തില്‍ ബിജുവിന്റെ മകന്‍ 23കാരനായ അഭിറാമാണ് മരിച്ചത്. 

പെരിങ്ങോട്ടുകര സൂപ്പര്‍ മാര്‍ക്കറ്റിലെ ചുമട്ട് തൊഴിലാളിയാണ്. ശനിയാഴ്ച വൈകീട്ട് മൂന്നിന് തൃപ്രയാര്‍ ഭാഗത്ത് നിന്ന് വന്ന അഭിറാം പാലത്തില്‍ നിന്ന് പുഴയിലേക്ക് ചാടുകയായിരുന്നു.

സംഭവം കണ്ടവര്‍ അറിയിച്ചതിനെത്തുടര്‍ന്ന് നാട്ടിക അഗ്നിരക്ഷാ സേനയും നാട്ടുകാരും സ്ഥലത്തെത്തി വഞ്ചി സംഘടിപ്പിച്ച് തിരച്ചില്‍ തുടങ്ങി. റസ്‌ക്യൂ ട്യൂബുമായും തിരച്ചില്‍ നടത്തി. രണ്ട് വഞ്ചികളാണ് തിരച്ചിലിനുണ്ടായത്. നാല് മണിയോടെ പാലത്തിന്റെ 150 മീറ്റര്‍ വടക്കുമാറി അഭിറാമിനെ കണ്ടെത്തി. അപ്പോഴേക്കും മരിച്ചിരുന്നു.