ചന്ദ്രനിലെ നിഴൽ പ്രദേശങ്ങളിൽ ഒളിഞ്ഞു കിടന്ന ജല ഐസ് ചന്ദ്രയാൻ 2 കണ്ടെത്തിയിരിക്കുന്നുവെന്നാണ് റിപ്പോർട്ട്. ചന്ദ്രയാൻ 2 ഓർബിറ്ററിലെ എട്ട് ഉപകരണങ്ങളിലൊന്നായ ഡ്യുവൽ ഫ്രീക്വൻസി സിന്തറ്റിക് അപ്പേർച്ചർ റഡാർ ആണ് ഈ നിരീക്ഷണം നടത്തിയത്, ഇത് ചന്ദ്രോപരിതലത്തിൽ ഏതാനും മീറ്റർ ആഴത്തിൽ വരെ നോക്കാൻ കഴിവുള്ളതാണ്.
ചാന്ദ്ര ധ്രുവങ്ങളിലെ സ്ഥിരമായ നിഴൽ പ്രദേശങ്ങളിൽ വിവിധ സാന്ദ്രതകളുള്ള ജലഐസ് അടങ്ങിയിരിക്കുന്നുവെന്ന് ഇസ്രോ പറഞ്ഞു. ഇതിന്റെ സാന്നിധ്യത്തിനായി ചന്ദ്ര ധ്രുവ പ്രദേശത്തെ നേരത്തെയുള്ള റഡാർ അടിസ്ഥാനമാക്കിയുള്ള പഠനങ്ങൾ നടത്തിയിരുന്നുവെങ്കിലും ഇപ്പോഴാണ് ഇത് കണ്ടെത്താനായത്.
ചാന്ദ്ര ദൗത്യത്തിന്റെ രണ്ട് വർഷങ്ങൾ പ്രമാണിച്ച് പുറത്തിറക്കിയ പുതിയ സയൻസ് ഡാറ്റയിലാണ് ഇന്ത്യൻ സ്‌പേസ് ആൻഡ് റിസർച്ച് ഓർഗനൈസേഷൻ (ഇസ്രോ) ആണ് ഏറ്റവും പുതിയ കണ്ടെത്തൽ വെളിപ്പെടുത്തിയത്.
ചന്ദ്ര ഭ്രമണപഥത്തിലെ ആദ്യത്തെ സമ്പൂർണ്ണ പോളാരിമെട്രിക് ഡ്യുവൽ ഫ്രീക്വൻസി ഇമേജിംഗ് റഡാർ സിസ്റ്റം ചന്ദ്രന്റെ വടക്കൻ ധ്രുവത്തിലെ പിയറി ഗർത്തത്തിന്റെ സ്ഥിരമായ നിഴൽ പ്രദേശങ്ങളിലാണ് അന്വേഷണം നടത്തിയത്.
ചന്ദ്രന്റെ സ്ഥിരമായ നിഴൽ പ്രദേശങ്ങൾ വർഷം മുഴുവനും സൂര്യപ്രകാശം ലഭിക്കാത്ത ചന്ദ്ര ദക്ഷിണധ്രുവത്തിന്റെ ഗർത്തങ്ങളാണ്. രണ്ട് ബില്യൺ വർഷത്തിനിടയിൽ ഈ പ്രദേശങ്ങൾ ഒരു സൂര്യരശ്മിപോലും പതിച്ചിട്ടില്ല. നാസയുടെ അഭിപ്രായത്തിൽ, 'ഭൂമിയിൽ നിന്ന് വ്യത്യസ്തമായി, ചന്ദ്രന്റെ അച്ചുതണ്ട് സൂര്യപ്രകാശത്തിന്റെ ദിശയിലേക്ക് ഏതാണ്ട് ലംബമായിരിക്കുന്നതിനാൽ അവ ഇരുണ്ടതായി കാണപ്പെടുന്നു. ചില ഗർത്തങ്ങളുടെ അടിഭാഗം ഒരിക്കലും സൂര്യനു നേരെ വന്നിട്ടേയില്ല, ഇവിടെ ഇരുട്ട് അവശേഷിക്കുന്നു.
വാർത്തകൾ നൽകാൻ ഇവിടെ ക്ലിക്ക് ചെയ്യു
>
0 تعليقات