പ്രണയത്തിലായിട്ട് രണ്ട് വര്‍ഷമായി, നിതിനയെ കൊലപ്പെടുത്തണമെന്ന ഉദ്ദേശം ഉണ്ടായിരുന്നില്ല; കത്തി കയ്യിൽ കരുതിയത് സ്വയം ജീവനൊടുക്കാൻ, മൊഴി നൽകി അഭിഷേക്

കോട്ടയം : കോട്ടയത്തെ പ്രണയ കത്തിയിൽ ജീവൻ പൊലിഞ്ഞത് വെക്കം, തലയോലപ്പറമ്പ് സ്വദേശിനി കളപ്പുരക്കല്‍ വീട്ടില്‍ നിതിന മോൾക്കാണ് (22).  പാലാ സെന്റ് തോമസ് കോളേജില്‍ സഹപാഠിയാണ് നിതിനയെ കഴുത്തറുത്ത് കൊലപ്പെടുത്തിയത്. സംഭവം കേരളക്കരയെ ഒന്നടങ്കം സങ്കടത്തിലാഴ്ത്തിയിരിക്കുകയാണ്. . സംഭവുമായി ബന്ധപ്പെട്ട് വൈക്കം സ്വദേശി അഭിഷേകിനെ പൊലീസ് അറസ്റ്റ് ചെയ്തു.

പ്രതിയായ അഭിഷേകിൻ്റെ മൊഴി പ്രകാരം നിതിന മോളെ കൊലപ്പെടുത്തിയത് പ്രണയ നൈരാശ്യം മൂലമാണ്. ഇരുവരും രണ്ട് വര്‍ഷമായി പ്രണയത്തിലായിരുന്നുവെന്നും അടുത്തിടെ അകല്‍ച്ച കാണിച്ചത് വൈരാഗ്യത്തിന് കാരണമായെന്നും അഭിഷേക് മൊഴി രേഖപ്പെടുത്തി.

നിതിനയെ കൊലപ്പെടുത്തണമെന്ന് ഉദ്ദേശിച്ചിരുന്നില്ലെന്നും ആയുധം കൊണ്ടുവന്നത് സ്വയം കൈ ഞരമ്പ് മുറിച്ച് പേടിപ്പിക്കാനെന്നും അഭിഷേക് മൊഴി നല്‍കി. പാലാ സെന്റ് തോമസ് കോളേജില്‍ പരീക്ഷയ്ക്ക് എത്തിയ വിദ്യാര്‍ഥിനിയെയാണ് സഹപാഠി കഴുത്തറത്ത് കൊലപ്പെടുത്തിയത്.

വെള്ളിയാഴ്ച കാലത്ത് 11.30 ഓടെയാണ് സംഭവം. പേപ്പര്‍കട്ടര്‍ ഉപയോഗിച്ചാണ് അഭിഷേക് കൊല നടത്തിയതെന്നാണ് കോട്ടയം എസ്പി ശില്‍പയുടെ പ്രതികരണം. കൊലപാതകത്തിന് മുമ്പ് ഇരുവരും തമ്മില്‍ ബലപ്രയോഗം നടന്നിട്ടുണ്ടോയെന്ന് അറിയില്ല, അന്വേഷണം നടക്കുകയാണെന്ന് എസ്പി പറഞ്ഞു.