കഞ്ചാവും മയക്കുമരുന്ന് ഗുളികകളുമായി ചെന്നു ചാടിയത് എക്സൈസ് സംഘത്തിൻ്റെ മുന്നിൽ, രക്ഷപ്പെടാൻ ശ്രമിച്ചെങ്കിലും യുവാവ് അറസ്റ്റിലായി

തിരുവനന്തപുരം : നെയ്യാറ്റിൻകര എക്സൈസ് ഇൻസ്പെക്ടർ സച്ചിൻ്റെ നേതൃത്വത്തിൽ മുക്കംപാലമൂട് ഭാഗത്ത് നടത്തിയ പരിശോധനയിൽ 1.405 കിലോഗ്രാം കഞ്ചാവും 25 നൈട്രാസെപാം ഗുളികകളുമായി യുവാവ് എക്സൈസ് പിടിയിലായി.

ക്രിമിനൽ  കേസ് പ്രതിയും നരുവാമൂട് ഒലിപ്പുനട ചാട്ടുമുക്ക് അനു ഭവനിൽ അനിൽ മകൻ അനുവാണ് അറസ്റ്റിലായത് എക്സൈസ് സംഘത്തെ കണ്ട് രക്ഷപെടാൻ ശ്രമിച്ച പ്രതിയെ ബലപ്രയോഗത്തിലൂടെയാണ്  സംഘം പിടികൂടിയത്.

എക്സൈസ് ഇൻസ്പെക്ടർ സച്ചിൻ പ്രിവൻ്റീവ് ഓഫീസർമാരായ പത്മകുമാർ, ഷാജു സിവിൽ എക്‌സൈസ് ഓഫീസർമാരായ നൂജു, ടോണി, ഹർഷകുമാർ, അനീഷ്കുമാർ, അരുൺ, അഖിൽ, അനീഷ്, ലാൽകൃഷ്ണ ഡ്രൈവർ സുരേഷ് എന്നിവരടങ്ങിയ സംഘമാണ് പ്രതിയെ പിടികൂടിയത്