കൊല്ലത്ത് നിർമ്മാണത്തിലിരിക്കുന്ന കോഴി മാലിന്യ പ്ലാൻ്റിനായി കോൺഗ്രസ്സ് നേതാവ് 15 ലക്ഷം രൂപ കോഴ വാങ്ങിയെന്ന് ആരോപണം

അതേസമയം, പണം തങ്ങൾ നൽകിയെന്ന് വാദമുയർത്തി പ്ലാൻ്റ് സംരഭകനും രംഗത്തെത്തി. എന്നാൽ ജനജീവിതം ദുസഹമാക്കുന്ന പ്ലാൻ്റിനെതിരെ സമരം നടത്തിയതിൻ്റെ പേരിൽ നസീറിനെതിരെ കള്ളപ്പരാതി ഉന്നയിക്കുകയാണെന്ന പരാതിയുമായി കോൺഗ്രസ് പ്രാദേശിക നേതാക്കളും കെപിസിസിയെ സമീപിച്ചിട്ടുണ്ട്. പ്ലാൻ്റുടമകളിൽ നിന്ന് എം എം നസീർ കോഴ ആവശ്യപ്പെടുന്ന ഫോൺ സംഭാഷണം തെളിവായി ഉണ്ടെന്നും കെഎസ്‍യു നേതാവ് പരാതിയിൽ ചൂണ്ടിക്കാട്ടിയിരുന്നു.

എന്നാൽ, ആരോപിക്കും വിധം പണം ആവശ്യപ്പെടുന്ന സംഭാഷണങ്ങളൊന്നും ഇപ്പോൾ പുറത്തുവന്ന ഫോൺ രേഖയിൽ ഇല്ല എന്നതാണ് അറിവ്. വാദങ്ങൾക്കു പിന്നിൽ സിപിഎം പ്രാദേശിക നേതൃത്വവും ചേർന്നുള്ള കളിയാണെന്നാണ് ആണെന്നാണ് എം എം നസീറിൻ്റെ വിശദീകരണം. പരാതി അന്വേഷിക്കാൻ കൊല്ലത്തിൻ്റെ ചുമതലയുള്ള ജനറൽ സെകട്ടറി പഴകുളം മധുവിനെ ചുമതലപ്പെടുത്തിയിരിക്കുകയാണ്