വിദ്യാർത്ഥികൾക്ക് ഇഷ്ടമുള്ള സ്കൂളില്‍ ചേരാം, അതിനായി ടിസി ആവശ്യമില്ലെന്ന് വിദ്യാഭ്യാസ മന്ത്രി

തിരുവനന്തപുരം : കൊവിഡ് സാഹചര്യത്തിൽ സ്കൂൾ പ്രവേശനത്തിന് ടിസി ആവശ്യമില്ലെന്ന് വിദ്യാഭ്യാസ മന്ത്രി. വിദ്യാർത്ഥിയ്ക്ക് ഇഷ്ടമുള്ള സ്കൂളിൽ ചേരുന്നത് തടയാൻ കഴിയില്ലെന്നും വിദ്യാഭ്യാസ മന്ത്രി വി ശിവന്‍കുട്ടി തിരുവനന്തപുരത്ത് പറഞ്ഞു. ടി.സിക്ക് പകരമായി വ്യക്തി സാക്ഷ്യപത്രം (സെൽഫ് ഡിക്കളറേഷൻ) മതിയാകും ഇവ ഉള്ള  വിദ്യാർത്ഥിയ്ക്ക് ഏതൊരു വിദ്യാലയത്തിലേേക്കും അഡ്മിഷൻ കരസ്ഥമാക്കാം. ഇതു സംബന്ധിച്ച് വകുപ്പിന് നിര്‍ദ്ദേശം നല്‍കിയിട്ടുണ്ടെന്ന് മന്ത്രി അറിയിച്ചു.