യുവതിയെ പീഡിപ്പിച്ച ശേഷം വാഹനവും പണവുമായി കടന്നുകളഞ്ഞ യുവാവ് അറസ്റ്റിൽ, സംഭവം വർക്കലയിൽ

ക​ട​യ്ക്കാ​വൂ​ർ സ്വ​ദേ​ശി​യാ​യ യു​വ​തി​യുടെ പരാതിയിന്മേലാണ് അറസ്റ്റ്. വാടക വീട് തിരക്കി ഇറങ്ങിയ യുവതിയാണ് പീ​ഡ​ന​ത്തി​നി​ര​യാ​യ​ത്. വ​ട​ശ്ശേ​രി​ക്കോ​ണം ഭാ​ഗ​ത്ത് വാ​ട​ക​വീ​ട് അന്വേഷിച്ചെത്തിയ യു​വ​തി​യെ സ​മീ​പി​ച്ച ഷാ​ക്ക​ർ, താൻ വീ​ട് ത​ര​പ്പെ​ടു​ത്തി ന​ൽ​കാമെന്ന് യുവതിയെ വിശ്വസിപ്പിച്ചു. വീ​ട് നോ​ക്കാ​നാണെന്ന്​ തെറ്റിദ്ധരിപ്പിച്ച്​ കാ​റി​ൽ ക​യ​റ്റി വി​വി​ധ​യി​ട​ങ്ങ​ളി​ൽ കൊ​ണ്ടു​പോ​യി പീ​ഡി​പ്പി​ക്കു​ക​യാ​യി​രു​ന്നു.

ഇതിനിടെ, യുവതിക്ക് വാടക വീട് തരപ്പെടുത്തി കൊടുത്ത പ്രതി അ​വി​ടെ​വെച്ചും പീ​ഡ​ന​ത്തി​നി​ര​യാ​ക്കി. മാത്രമല്ല ഇവിടെ​ മു​റി​യി​ൽ ഉണ്ടായിരുന്ന 40,000 രൂ​പ​യും യു​വ​തി​യു​ടെ സ്​​കൂ​ട്ട​റും കൈ​ക്ക​ലാ​ക്കി പ്ര​തി ക​ട​ന്നു​ക​ള​യു​ക​യാ​യി​രു​ന്നു. ​

ച​ട​യ​മം​ഗ​ല​ത്തും മ​റ്റുമായി ഒ​ളി​വി​ൽ ക​ഴി​ഞ്ഞി​രു​ന്ന ഷാ​ക്ക​ർ ദ​ള​വാ​പു​ര​ത്ത് താ​മ​സി​ക്കു​ന്ന സ​ഹോ​ദ​രി​യെ കാ​ണു​ന്ന​തി​നാ​യി എ​ത്തു​മെ​ന്ന്​ പൊ​ലീ​സി​ന്​ വി​വ​രം ല​ഭി​ച്ചിരുന്നു. തു​ട​ർ​ന്നാ​ണ്​ റൂ​റ​ൽ എ​സ്.​പി പി.​കെ. മ​ധു​വിൻ്റെ നി​ർ​ദേ​ശ​പ്ര​കാ​രം ഡി​വൈ.​എ​സ്.​പി. ​നി​യാ​സി​ൻ്റെ നേ​തൃ​ത്വ​ത്തി​ൽ പ്ര​തി​യെ അ​റ​സ്​​റ്റ്​ ചെ​യ്ത​ത്. യു​വ​തി​യെ ക​ട​ത്തി​ക്കൊ​ണ്ടു​പോ​യി പീ​ഡി​പ്പി​ക്കാ​നു​പ​യോ​ഗി​ച്ച കാ​റും ത​ട്ടി​യെ​ടു​ത്ത സ്​​കൂ​ട്ട​റും പൊ​ലീ​സ് ക​ണ്ടെ​ടു​ത്തു.

പ്ര​തി​യെ വി​വി​ധ സ്ഥ​ല​ങ്ങ​ളി​ൽ എ​ത്തി​ച്ച്​ തെ​ളി​വെ​ടു​പ്പ്​ ന​ട​ത്തി. എ​സ്.​ഐ ഫി​റോ​സ്ഖാ​ൻ, എ.​എ​സ്.​ഐ ബി​ജു​കു​മാ​ർ, സു​നി​ൽ​രാ​ജ്, ഡി​വൈ.​എ​സ്.​പി​യു​ടെ കു​റ്റാ​ന്വേ​ഷ​ണ സം​ഘ​ത്തി​ലെ എ​സ്.​ഐ ഗോ​പ​കു​മാ​ർ, ഹ​രീ​ഷ്, ഷൈ​ജു, ക​ണ്ണ​ൻ പി​ള്ള, എ.​എ​സ്.​ഐ ബൈ​ജു, എ​സ്.​സി.​പി.​ഒ വി​നോ​ദ് എ​ന്നി​വ​രാ​ണ്​ അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്.