ഓട്ടോഡ്രൈവർക്ക് നേരെ ആക്രമണം, തടഞ്ഞ യുവാവിനെ കുത്തിവീഴ്ത്തി; സംഭവത്തിൽ പ്രതി പിടിയില്‍

ഇയാൾ നിരവധി ക്രമിനൽ ഗുണ്ടാ ആക്രമണ കേസുകളിലെ പ്രതിയാണെന്ന് പോലീസ് പറഞ്ഞു. കുടമാളൂർ താഴത്തേക്കുറ്റ് ഷിബുവിനാണ് കുത്തേറ്റത്. ഇയാൾ സ്വകാര്യ ആശുപത്രിയിൽ ചികിത്സയിലാണ്. കഴിഞ്ഞദിവസം രാത്രി കുടമാളൂർ കവലയിൽ ആയുധങ്ങളുമായി പൊതുവഴിയിൽ ഭീകരാന്തരീക്ഷം സൃഷ്ടിച്ച പ്രതി യാത്രക്കാരുമായെത്തിയ ഓട്ടോ തടഞ്ഞ് ഡ്രൈവറെയും യാത്രക്കാരെയും ഭീഷണിപ്പെടുത്തുകയും ഡ്രൈവറെ കുത്താൻ ശ്രമിക്കുകയുമായിരുന്നു. ഇതുകണ്ട് തടസ്സം പിടിക്കാനെത്തിയതായിരുന്നു കുത്തേറ്റ ഷിബു. സംഭവത്തെതുടർന്ന് രക്ഷപ്പെട്ട പ്രതിയെ കോട്ടയം നഗരത്തിൽനിന്ന് പോലീസ് പിടികൂടുകയായിരുന്നു.