കൊല്ലത്ത് ആറുവയസ്സുകാരനും അമ്മയും സഞ്ചരിച്ച കാർ കുളത്തിൽ വീണു; രക്ഷാപ്രവർത്തകരായി നാട്ടുകാരായ അഗ്നിശമന സേനാംഗങ്ങൾ

കുളത്തിന് നല്ല ആഴമുള്ളതിനാൽ അപകട സ്ഥലത്ത് കാഴ്ചക്കാരായി നില്ക്കാൻ മാത്രമെ നാട്ടുകാർക്ക് സാധിച്ചുള്ളു. നിസ്സഹായരായ നാട്ടുകാരെ കണ്ട് സഹപ്രവർത്തകന്റെ ഗൃഹപ്രവേശന ചടങ്ങിൽ പങ്കെടുക്കാൻ പോകുകയായിരുന്ന ഫയർ ഫോഴ്സിൻ്റെ ചവറ നിലയത്തിലെ ഫയർ ആന്‍റ് റെസ്ക്യൂ ഓഫീസർ നൗഫർ കാര്യം തിരക്കുമ്പോഴാണ് സംഭവമറിയുന്നത്. തുടർന്ന് രക്ഷാപ്രവർത്തനം ആരംഭിക്കുകയായിരുന്നു. പിന്നാലെ മറ്റൊരാവശ്യത്തിനായി അവിടേക്കെത്തിയ കരുനാഗപ്പള്ളി നിലയത്തിലെ ഫയർ ആന്റ് റസ്ക്യൂ ഓഫീസറായ മിഥുനും സഹായത്തിനെത്തി. തുടർന്ന് നൗഫറും മിഥുനും കുളത്തിൽ ഇറങ്ങുകയും ഇരുവരും ചേർന്ന് അമ്മയെയും മകനെയും അതിസാഹസികമായി രക്ഷപ്പെടുത്തി കരയിൽ എത്തിക്കുകയും ചെയ്തു. അമ്മയെയും മകനെയും ചവറ അഗ്നിരക്ഷാ സേനയുടെ ആംബുലൻസിൽ ഇവരെ ആശുപത്രിയിൽ എത്തിച്ചു.

അതേസമയം, അമ്മയെയും മകനെയും രക്ഷിക്കുക എന്ന ഒറ്റ ചിന്തയോടെ രക്ഷാപ്രവർത്തനത്തിനിറങ്ങിയ ചവറ നിലയത്തിലെ ഫയർ ആന്‍റ് റെസ്ക്യൂ ഓഫീസർ നൗഫറിൻ്റെ  അയ്യായിര ത്തോളം രൂപയും, എ.ടി.എം കാർഡുകളും, വോട്ടേഴ്‌സ് ID, കാന്റീൻ കാർഡ് എന്നിവയടങ്ങിയ നൗഫറിന്റെ പേഴ്‌സ് മോഷണം പോയതായും സംഭവം പുറം ലോകത്തെ അറിയിച്ച കെ.ആർ രാജേഷ് തൻ്റെ ഫേസ്ബുക്ക് പോസ്റ്റിൽ വ്യക്ത്മാക്കി.