റിപ്പബ്ലിക് ദിനത്തിൽ ദളിത് യുവാവിനെ മർദ്ദിച്ച് മൂത്രം കുടിപ്പിച്ച സംഭവം; എട്ട് പേർക്കെതിരെ കേസ്.

ഈ മാസം 26ന് രാത്രി ഉമേഷ് ജാട്ട് എന്നയാൾ രാകേഷിൻ്റെ വീട്ടിലെത്തി രാകേഷിനോട് ഒപ്പം പോകാൻ ആവശ്യപ്പെട്ടു. എന്നാൽ, രാകേഷ് അതിനു തയ്യാറായില്ല. തുടർന്ന് ഉമേഷും ഏഴ് സുഹൃത്തുക്കളും ചേർന്ന് രാകേഷിനെ ഉമേഷിൻ്റെ കാറിൽ കയറ്റി അടുത്തുള്ള പാടത്തേക്ക് കൊണ്ടുപോയി. രാകേഷിനെക്കൊണ്ട് നിർബന്ധിച്ച് മദ്യം കുടിപ്പിച്ച ശേഷം പ്രതികൾ എല്ലാവരും കുപ്പിയിൽ മൂത്രമൊഴിച്ചു. തുടർന്ന് ഈ മൂത്രം രാകേഷിനെക്കൊണ്ട് കുടിപ്പിക്കുകയായിരുന്നു. രാകേഷിനെ ജാതിപ്പേര് വിളിച്ച് പ്രതികൾ അവഹേളിക്കുകയും ചെയ്തു.