കണ്ണിന് ചുറ്റും കറുപ്പോ?, പണം ആവശ്യമില്ലാത്ത പ്രകൃതിദത്ത പരിഹാരം ഇതാ

​സൌന്ദര്യ സംരക്ഷണത്തിലെ വില്ലന്മാർ

സൌന്ദര്യ സംരക്ഷണത്തിൽ പലതും വില്ലന്മാരാകാറുണ്ട്. ആദ്യം നിങ്ങൾ ചെയ്യേണ്ട കാര്യം എന്താണെന്ന് വെച്ചാൽ ഇത്തരത്തിൽ സൌന്ദര്യ സംരക്ഷണത്തിന്റെ കാര്യത്തിൽ വില്ലനാകുന്ന കാര്യങ്ങൾ കണ്ടു പിടിക്കുക എന്നതാണ്. ചിലരുടെ വരണ്ടുണങ്ങിയ ചുണ്ടുകളായിരിക്കും ചിലരുടെ കണ്ണുകളായിരിക്കും ചിലരുടെ കണ്ണുകൾക്ക് ചുറ്റുമുള്ള കറുത്ത പാടുകളായിരിക്കും മറ്റു ചിലരുടേതാകട്ടെ മൂക്കിലുള്ള വെളുത്ത കുരുക്കളും. ഇവയെ ആദ്യം തിരിച്ചറിഞ്ഞ് എങ്ങെനായാണ് ഇവയ്ക്കുള്ള മേക്കപ്പുകളെന്നും മറ്റും അറിഞ്ഞ് ശേഷം മാത്രം ചെയ്യാൻ തുടങ്ങുക. മാത്രമല്ല ഇത്തരത്തിലുള്ള പ്രശ്നങ്ങളുള്ളവർ ഇവയെ എങ്ങനെയാണ് ഇല്ലാതാക്കുക എന്നത് കൂടി ശ്രദ്ധിക്കേണ്ടിയിരിക്കുന്നു. അല്ലെങ്കിൽ നിങ്ങളുടെ സൌന്ദര്യ സംരക്ഷണം വീണ്ടു പ്രശ്നത്തിലാകും എന്ന് പറയേണ്ടതില്ലാല്ലോ.

ആദ്യം തന്നെ പറഞ്ഞുവല്ലോ. സൌന്ദര്യം സംരക്ഷണത്തിന്റെ കാര്യത്തിൽ പ്രതിസന്ധി സൃഷ്ടിക്കുന്ന കാര്യങ്ങളെ എന്തൊക്കെയാണ് എന്ന് അറിഞ്ഞ് അവ ആദ്യം ഇല്ലാതാക്കുകയാണ് വേണ്ടത്. അത്തരത്തിൽ സൌന്ദര്യ സംരക്ഷണത്തിൽ വില്ലനായി മാറുന്ന ഒന്നാണ് കണ്ണിന് ചുറ്റുമുള്ള കറുത്ത പാടുകൾ. പലപ്പോഴും പലരെയും പ്രശ്നത്തിലാക്കുന്ന ഒന്നാണ് ഈ കറുത്ത പാട്. ഒന്ന് പുറത്തിറങ്ങാൻ ഒരുങ്ങി നിൽക്കുമ്പോൾ കണ്ണാടിയിലേക്ക് നോക്കുന്ന സമയത്ത് കണ്ണിന് ചുറ്റിനും ഇത്തരത്തിൽ പാടുകൾ ഉണ്ടാകുന്നത് എത്രത്തോളം വിഷമകരമായിരിക്കും അല്ലെ. ഇന്ന് പലരും ഇത്തരത്തിലുള്ള പ്രശ്നം അനുഭവിക്കുന്നുണ്ട്. ഇതിന് എന്താണ് പ്രതിവിധി എന്ന് നോക്കാം.

കണ്ണിന് ചുറ്റുമുള്ള കറുത്ത പാടുകളകറ്റാൻ പലരും പല വഴികളും നോക്കിയിട്ടുണ്ടാകും. എന്നാൽ നിങ്ങൾക്ക് വീട്ടിൽ തന്നെയുള്ള പ്രകൃതിദത്ത വഴി കൊണ്ട് ഇതിനെ ഇല്ലാതാക്കാൻ സാധിക്കും. ഇത് എന്താണെന്ന് നമുക്ക് നോക്കാം. കണ്ണിന് ചുറ്റുമുള്ള കറുത്ത പാടുകളെ ഇല്ലാതാക്കാൻ നമുക്ക് ഉപയോഗിക്കാൻ പറ്റിയ ഒരു പ്രകൃതിദത്ത വഴിയാണ് കറ്റാർ വാഴ ജെൽ. കറ്റാർ വാഴ ജെൽ തേക്കുന്നത് നിങ്ങളുടെ എല്ലാവിധ സൌന്ദര്യ പ്രശ്നങ്ങൾക്കും പരിഹാരമാകും എന്ന് പറയേണ്ടതില്ലാല്ലോ. പല സൌന്ദര്യ പ്രതിസന്ധികളുടെയും പരിഹാരത്തിന് കറ്റാർ വാഴയുടെ ജെല്ല് ഉപയോഗിക്കാറുണ്ട്. അത്തരത്തിൽ കറ്റാർ വാഴയുടെ ജെൽ എടുത്ത് കണ്ണിന് ചുറ്റും കറുത്തിരിക്കുന്ന ഭാഗത്ത് ദിവസവും തേച്ച് പിടിപ്പിക്കുന്നതും വളരെ നല്ലതാണ്. ഇത് നിങ്ങളുടെ കണ്ണിന്റെ പ്രശ്നങ്ങൾക്ക് വളരെ പെട്ടെന്ന് പരിഹാരം നൽകും. മാത്രമല്ല റോസ് വാട്ടർ ഉപയോഗിച്ച് രണ്ട് നേരം മുഖം കഴുകുന്നതും വളരെ ഗുണം ചെയ്യും. കണ്ണിന് ചുറ്റു കറുത്ത പാടുള്ളവർ ദിവസവും അൽപം റോസ് വാട്ടർ എടുത്ത് മുഖം കഴുകുക. ഇത്തരത്തിൽ ചെയ്യുന്നത് നിങ്ങളുടെ കണ്ണിന്റെ എല്ലാ പ്രശ്നങ്ങൾക്കും പരിഹാരം കാണാൻ സാധിക്കും.

കണ്ണുകളുടെ അഴകാണ് പലരുടെയും വിഷയം. അവളുടെ കണ്ണ് കണ്ട അളിയാ. എന്തൊരു അഴകാ. എന്ന് പറയാത്തവരായിട്ട് ആരും ഉണ്ടാകില്ല. അത്തരത്തിൽ ഒരു കണ്ണ് നിങ്ങൾക്കും വേണ്ടെ?. പലരും പലരു ബ്യൂട്ടി പാർലറുകളിലും മറ്റും പോയി ചെയ്യുന്ന കാര്യങ്ങളിൽ ഒന്നാണ് കണ്ണുകളുടെ അഴകിനായി കക്കിരിക്ക ഉപയോഗിക്കുന്നത്. ലോക്ഡൌൺ കാലത്ത് നിങ്ങൾക്ക് ഇത് വീട്ടിൽ തന്നെയിരുന്ന് ചെയ്യാൻ സാധിക്കും. ഇത് എങ്ങനെയാണ് ചെയ്യേണ്ടത് എന്ന് വെച്ചാൽ, കക്കിരിക്ക റൌണ്ടായി അരിഞ്ഞ് പതിനഞ്ച് മിനിറ്റോളം കണ്ണിന് മീതെ വെക്കുക. ദിവസവും ഇത്തരത്തിൽ ചെയ്യാൻ ശ്രദ്ധിക്കുക. ഇതി നിങ്ങളുടെ കണ്ണിന് ചുറ്റുമുള്ള കറുത്ത പാടുകളെ ഇല്ലാതാക്കി കണ്ണുകൾക്ക് പൂർണ്ണ ആരോഗ്യം നൽകും. ഇങ്ങനെ ചെയ്യാനായി നിങ്ങൾ ബ്യൂട്ടി പാർലറുകളെ ആശ്രയിക്കാതെ വീട്ടിലിരുന്ന തന്നെ ഇത് നിങ്ങൾക്ക് ചെയ്യാവുന്നതാണ്. മാത്രമല്ല ഇത്തരത്തിൽ ചെയ്യുന്നത് നിങ്ങളുടെ സൌന്ദര്യത്തിന് ഏറെ ഗുണം ചെയ്യും എന്ന് കൂടി അറിഞ്ഞിരിക്കുക.

പലക്കും സംശയം ഉണ്ടാകും, എന്ത് കൊണ്ടാണ് കണ്ണിന് ചുറ്റുഭാഗത്തും ഇത്തരത്തിൽ കറുത്ത പാടുകൾ വരുന്നത് എന്ന്. ആരോഗ്യ വിദഗ്ദർ പറയുന്ന കാര്യം എന്താണെന്ന് വെച്ചാൽ അമിതമായി സ്ക്രീൻ ഉപയോഗിക്കുന്നത് കൊണ്ടാണ് ഇത്തരത്തിൽ കണ്ണിന് ചുറ്റും കറുത്ത പാടുകൾ വരുന്നത് എന്നാണ്. പലരും രാത്രികളിലും മറ്റും നിരന്തരം മൊബൈൽ ഫോൺ ഉപയോഗിക്കുന്നവരാണ്. വെളിച്ചം അണച്ച് മൊബൈലിൽ ഏറെ നേരം കുത്തിക്കളിക്കുന്നവരായിരിക്കും നമ്മളിൽ പലരും. ഇത്തരത്തിൽ മൊബൈലും സ്ക്രീനും ഉപയോഗിക്കുമ്പോൾ നിങ്ങൾ അറിയാതെ നിങ്ങളുടെ ചർമ്മത്തിൽ മാറ്റം വന്നു കൊണ്ടിരിക്കുകയാണ് എന്ന് അറിഞ്ഞിരിക്കുക. ഇത് മാത്രമല്ല, നിരന്തരമായി കമ്പ്യൂട്ടർ സ്ക്രീനുകൾ ഉപയോഗിക്കുന്നതിലൂടെയും ഇത്തരത്തിൽ കണ്ണിന് താഴെ പാടുകൾ ഉണ്ടാകാനുള്ള സാധ്യത കൂടുതലാണ്. അത് കൊണ്ട് തന്നെ സ്ക്രീനുകൾ ഉപയോഗിക്കുമ്പോൾ കൂടുതൽ ശ്രദ്ധ ചെലുത്തുക. നിങ്ങളുടെ സൌന്ദര്യം കൂടി ഇല്ലാതാകുകയാണ് ചെയ്യുന്നത്.