സർക്കാർ നടപടി സർവകലാശാല ചട്ടങ്ങൾക്ക് വിരുദ്ധം ആണെന്നും പുനർനിയമനം ശരിവച്ച സിംഗിൾ ബഞ്ച് ഇക്കാര്യങ്ങൾ പരിഗണിച്ചില്ലെന്നും ഹർജിക്കാർ കോടതിയെ അറിയിച്ചു. പുനര്‍നിയമനത്തിന് സെര്‍ച്ച് കമ്മിറ്റിയുടെ ശുപാര്‍ശ ആവശ്യമില്ലെന്നും പ്രായപരിധി ബാധകമില്ലെന്നും ഡിവിഷന്‍ ബെഞ്ച് വിലയിരുത്തി.
എന്നാൽ ഈ വിലയിരുത്തൽ നിയമപരമല്ലെന്നും സെർച് കമ്മിറ്റി നടപടികളും യുജിസി വ്യവസ്ഥകൾ പാലിച്ചില്ലെന്നും ഹർജിക്കാർ വാദിച്ചു. 60 വയസ് കഴിഞ്ഞവരെ കണ്ണൂർ സർവകലാശാല നിയമപ്രകാരം വിസിയായി നിയമിക്കാൻ കഴിയില്ല. നിയമനത്തിനായി സെർച്ച് കമ്മിറ്റിക്ക് രൂപം നൽകണം. നിയമനത്തിൽ യുജിസി വ്യവസ്ഥകൾ പാലിച്ചില്ലെന്നും ചൂണ്ടിക്കാട്ടി നൽകിയ ഹർജി നേരത്തെ ഹൈക്കോടതി സിംഗിൾ ബെഞ്ച് തള്ളിയിരുന്നു.
സർവകലാശാല സെനറ്റ് അംഗം ഡോ പ്രേമചന്ദ്രൻ കീഴോത്ത്, അക്കാദമിക് കൗൺസിലംഗം ഡോ ഷിനോ പി ജോസ് എന്നിവരാണ് അപ്പീൽ ഹർജി നൽകിയത്. ആദ്യ നിയമനവും പുനർനിയമനവും തമ്മിൽ വ്യത്യാസമില്ലെന്നാണ് ഹരജിയിൽ ചൂണ്ടിക്കാട്ടിയിരുന്നത്.
0 Comments