ആലുവയിൽ കുട്ടികൾ ഓടിച്ച കാർ കടയിലേക്ക് പാഞ്ഞുകയറി ഒരാൾ മരിച്ചു; അപകട കാരണം അമിതവേഗത

അപകടത്തില് വഴിയാത്രക്കാരായ രണ്ട് പേർക്ക് പരിക്കേറ്റിരുന്നു. അമിത വേഗതയിൽ വന്ന കാറാണ് കടയിലേക്ക് ഇടിച്ചു കയറിയത്. കാറിലുണ്ടായിരുന്നത് പ്രായപൂർത്തിയാകാത്ത 5 പേരായിരുന്നു. മുട്ടം തൈക്കാവിന് സമീപത്തുവെച്ചാണ് അപകടം.

മരിച്ച ബക്കർ കളമശ്ശേരിയിൽ ​ഗുഡ്ഷെഡിലെ ജോലി ചെയ്തുവരികയായിരുന്നു. നിയന്ത്രണംവിട്ട കാർ ദേശീയപാതയ്ക്ക് സമീപത്തെ കടയിലേക്ക് ഇടിച്ചുകയറി. ഇവിടെ ചായ കുടിച്ചുകൊണ്ടിരിക്കുകകയായിരുന്ന ബക്കർ അപകടത്തിൽപെടുകയായിരുന്നു.

അപകടത്തിന് പിന്നാലെ അഞ്ച് കുട്ടികളേയും പൊലീസ് കസ്റ്റഡിയിലെടുത്തിട്ടുണ്ട്. കുട്ടികളുടെ മാതാപിതാക്കളുമായി പൊലീസ് ബന്ധപ്പെട്ടന്നാണ് വിവരം. കുട്ടികൾ കാർ ഉപയോ​ഗിച്ച് എവിടെയെല്ലാം പോയി തുടങ്ങിയ വിവരങ്ങൾ പൊലീസ് അന്വേഷിച്ച് വരുകയാണ്.