വിവാഹം കഴിഞ്ഞിട്ട് 10 ദിവസം മാത്രം; നവവധു ഭർതൃവീട്ടിൽ മരിച്ച നിലയിൽ, ദുരൂഹതയാരോപിച്ച് ബന്ധുക്കൾ

ഈ കഴിഞ്ഞ ഫെബ്രുവരി ഒൻപതാം തീയതിയാണ് ആര്യസമാജത്തിൽ വെച്ച് ജിനു കൃഷ്ണയും തേജാലക്ഷ്മിയും വിവാഹം ചെയ്തത്. ഒൻപതാം തിയതി രാവിലെ അഞ്ചര മണിയോടെ തേജാ ലക്ഷ്മിയെ കാണാതായതിനേതുടർന്ന് ബന്ധുക്കൾ കൊടുവള്ളി പോലീസിൽ പരാതി നൽകിയിരുന്നു. തുടർന്ന് വൈകുന്നേരം നാലരയോടെ ഇരുവരും സ്റ്റേഷനിൽ ഹാജരായിരുന്നതായും പിന്നീട് വരന്റെ ഇയ്യാട്ടുള്ള വീട്ടിലേക്ക് പോയതായും തേജാ ലക്ഷ്മിയുടെ ബന്ധുക്കൾ പറഞ്ഞു. 

ഓമശ്ശേരിയിലെ സ്വകാര്യ സ്ഥാപനത്തിൽ പഠിക്കുന്ന തേജാ ലക്ഷ്മിയുടെ സർട്ടിഫിക്കറ്റുകൾ അവിടെനിന്നും സൂത്രത്തിൽ വാങ്ങിയാണ് വിവാഹ രജിസ്ട്രേഷന് വേണ്ടി ജിനു കൃഷ്ണ ഹാജരാക്കിയതെന്നും ബന്ധുക്കൾ ആരോപിച്ചു.