ഷെയിൻ നിഗത്തെ നായകനാക്കി നവാഗതനായ ശരത്ത് മേനോൻ സംവിധാനം ചെയ്യുന്ന ചിത്രമാണ് വെയിൽ. ഗുഡ് വിൽ എന്റർടെയ്ൻമെന്റിന്റെ ബാനറിൽ ജോബി ജോർജാണ് ചിത്രം സംവിധാനം ചെയ്യുന്ന. രണ്ട് വർഷത്തോളമായി ചിത്രം പൂർത്തിയാക്കിയിട്ട്. എന്നാൽ പല കാരണങ്ങൾകൊണ്ട് റിലീസ് നീട്ടേണ്ടതായി വന്നു. ഇപ്പോൾ പുതിയ റിലീസ് തിയതി പ്രഖ്യാപിച്ചിരിക്കുകയാണ് ചിത്രം. ഫെബ്രുവരി 25നാണ് ചിത്രം തിയറ്ററിൽ എത്തുക.
റിലീസ് ഡേറ്റ് പങ്കുവച്ചുകൊണ്ട് ജോബി ജോർജ് കുറിച്ച വാക്കുകളാണ് ഇപ്പോൾ ശ്രദ്ധ നേടുന്നത്. ചിത്രം റിലീസ് ചെയ്യാൻ ഒരുങ്ങുമ്പോഴെല്ലാം ഓരോ പ്രശ്നങ്ങളാണെന്നും എന്താണെന്ന് മനസിലാകുന്നില്ലെന്നുമാണ് അദ്ദേഹം കുറിക്കുന്നത്.
ഈ ചിത്രത്തിന്റെ ഷൂട്ടിങ്ങുമായി ബന്ധപ്പെട്ടാണ് ഷെയിൻ നിഗവും ജോബി ജോർജും തമ്മിൽ തെറ്റുന്നത്. മുടി വെട്ടിയതുമായി ബന്ധപ്പെട്ടായിരുന്നു വിവാദം. ഷെയിനിന്റെ വിലക്കിലേക്കു വരെ ഇത് നയിച്ചു. പിന്നീട് ഇരുവരും തമ്മിലുള്ള പ്രശ്നം പരിഹരിക്കുകയായിരുന്നു. അടുത്തിടെ ചിത്രത്തിന്റെ സംവിധായകൻ ശരത്ത് നിർമാതാക്കൾക്കെതിരെ രംഗത്തെത്തിയത് വാർത്തയായിരുന്നു.
0 Comments