ഇന്ന് രാവിലെ സ്‌കൂളിലെ വാര്‍ഷികാഘോഷം നടക്കുകയായിരുന്നു. പരീക്ഷ അടുത്തതിനാല്‍ പത്താം ക്ലാസ് വിദ്യാര്‍ഥികള്‍ സ്‌കൂളില്‍ എത്തേണ്ടതില്ലെന്ന് അധ്യാപകര്‍ അറിയിച്ചിരുന്നു.
എന്നാല്‍ നീലിമയും മറ്റ് രണ്ട് സുഹൃത്തുക്കളും സ്‌കൂളിലേക്ക് പോയിരുന്നു. ഇതിനിടെ സ്‌കൂളിന്റെ പരിസരത്ത് വെച്ച്‌ ഇവരെ നാട്ടുകാര്‍ കാണുകയും വിവരം അധ്യാപകരെ അറിയിക്കുകയുമായിരുന്നു. തുടര്‍ന്ന് അധ്യാപകരെത്തി കാറില്‍ കുട്ടികളെ സ്‌കൂളിലേക്ക് കൊണ്ടുപോയി. പിന്നാലെ രക്ഷിതാക്കളെ വിളിച്ചുവരുത്തി അവര്‍ക്കൊപ്പം വിടുകയും ചെയ്തു.
നീലിമയെ അച്ഛനും അമ്മയും ചേര്‍ന്നാണ് വീട്ടിലേക്ക് വിളിച്ചുകൊണ്ടുവന്നത്. വീട്ടിലേക്ക് വരുന്ന വഴി, അടുത്ത ബന്ധുവിന്റെ വീട്ടിലെ കിണറ്റിലേക്ക് നീലിമ ചാടുകയായിരുന്നു. നീലിമക്ക് ഒപ്പമുണ്ടായിരുന്ന രണ്ട് വിദ്യാര്‍ഥികളുടേയും അധ്യാപകരുടേയും മൊഴി പോലീസ് രേഖപ്പെടുത്തിയിട്ടുണ്ട്. സംഭവത്തില്‍ പോലീസ് അന്വേഷണം പുരോഗമിക്കുകയാണ്.
0 Comments