സംസ്ഥാനത്തിന്റെ വിവിധ ഇടങ്ങളില്‍ നേരിയ സംഘര്‍ഷം ഉണ്ടായിട്ടുണ്ട്. തൃശൂരില്‍ സിപിഎം ഭരണത്തിലുളള സഹകരണ ബാങ്കിനുള്ളില്‍ ഷട്ടര്‍ അടച്ചിട്ടിരുന്ന് ജീവനക്കാര്‍ ജോലി ചെയ്യുന്നുണ്ട്. കോഴിക്കോട് വിവിധ ഇടങ്ങളില്‍ തുറന്ന കടകള്‍ സമരക്കാര്‍ അടപ്പിച്ചു. അരീക്കാട് ഇതിനെ തുടര്‍ന്ന് സംഘര്‍ഷമുണ്ടായി. പോലീസെത്തി സമരക്കാരെ തുരത്തുകയായിരുന്നു. പാളയം മാര്‍ക്കറ്റിലെ പച്ചക്കറിക്കടകള്‍ അടഞ്ഞു കിടക്കുകയാണ്. കഞ്ചിക്കോട് വ്യവസായ മേഖലയില്‍ തൊഴിലാളികളെ തടഞ്ഞു
കെഎസ്ആര്‍ടിസി ബസ് സര്‍വീസ് നടത്തുന്നില്ല. അതേസമയം ഡയസ്‌നോണ്‍ പ്രഖ്യാപനം സര്‍വീസ് സംഘടനകള്‍ തള്ളിയിരിക്കുകയാണ്. സര്‍ക്കാര്‍ സ്ഥാപനങ്ങളില്‍ ഹാജര്‍ നില വളരെ കുറവാണ്. അതിനിടെ തിരുവനന്തപുരം ഉള്ളൂരില്‍ പോലീസ് സംരക്ഷണത്തില്‍ തുറന്ന പെട്രോള്‍ പമ്പ് സിഐടിയു പ്രവര്‍ത്തകര്‍ അടപ്പിച്ചു. എനാത്ത് എസ്ബിഐ ബ്രാഞ്ചും മല്ലപ്പള്ളിയിലെ പടമിടപാട് സ്ഥാപനവും സമരക്കാര്‍ അടപ്പിച്ചു.
0 Comments