`ഗരുഡയുടെ മരണത്തിന് ശേഷം കെജിഎഫിൽ എന്ത് സംഭവിച്ചു?`; കെജിഎഫ് 2 ട്രെയിലർ എത്തി

സിനിമാപ്രേമികള്‍ കാത്തിരുന്ന ‘കെജിഎഫ് 2’ ട്രെയിലർ എത്തി. നായകനായ യാഷും വില്ലനായ സഞ്ജയ് ദത്തുമാണ് ട്രെയിലറിൽ ഉടനീളം നിറഞ്ഞാടുന്നത്. 1951 മുതൽ വർത്തമാനകാലം വരെയുള്ള കഥയാണ് കെജിഎഫ് രണ്ടാം ഭാഗത്തിൽ പറയുന്നത്. ചിത്രത്തിന്‍റെ ആദ്യഭാഗം 2018 ഡിസംബര്‍ 21-നാണ് പുറത്തിറങ്ങിയത്. പ്രശാന്ത് നീൽ സംവിധാനം ചെയ്യുന്ന ചിത്രം കേരളത്തിൽ പ്രദർശനത്തിനെത്തിക്കുന്നത് പൃഥ്വിരാജ് പ്രൊഡക്ഷൻസാണ്. ചിത്രം ഏപ്രിൽ 14ന് തിയറ്ററുകളിലെത്തും.