സമരാനുകൂലികൾ ഓട്ടോ തല്ലി തകർത്തു; കുട്ടികളുണ്ടായിരുന്ന വാഹനമാണ് തല്ലിതകർത്തത്

കസബ പൊലീസ് കേസെടുത്തു.

അതേസമയം, പണിമുടക്ക് ദിനത്തിൽ സമാരാനുകൂലികൾ പലയിടത്തും അക്രമം അഴിച്ചു വിട്ടതായി പരാതിയുയരുന്നു. നിരത്തിലിറങ്ങിയ വാഹനങ്ങൾ പലയിടത്തും സമരാനുകൂലികൾ തടഞ്ഞു. വാഹനങ്ങൾ നിരത്തിലിറക്കിയതും ജോലിക്കെത്തിയതുമാണ് അക്രമത്തിനു കാരണമായത്.

ഭരണസിരാകേന്ദ്രമായ സെക്രട്ടറിയേറ്റിൽ ഇന്ന് ആകെ ഹാജരായത് ചീഫ് സെക്രട്ടറിയടക്കം 32 പേർ മാത്രമാണ്. സെക്രട്ടറിയേറ്റിൽ 4,828 ഉദ്യോഗസ്ഥരാണ് ആകെയുള്ളത്. സംസ്ഥാനത്തെ ഒട്ടുമിക്ക സർക്കാർ ഓഫീസുകളിലേയും പ്രവർത്തനവും സമാന നിലയിലായിരുന്നു. ഇതിനിടെ സർക്കാർ ഉദ്യോഗസ്ഥർ പണിമുടക്കിൽ പങ്കെടുക്കുന്നത് നിയമവിരുദ്ധമാണെന്നും അത് വിലക്കി കൊണ്ട് ഉത്തരവിടണമെന്നും സർക്കാരിനോട് ഹൈക്കോടതി നിർദേശിച്ചു. പിന്നാലെ ഇത് സംബന്ധിച്ച് സർക്കാരിന് വേണ്ടി ഉത്തരവിറക്കി.