വീണ്ടും വർദ്ധനവ്! രാജ്യത്ത് ഇന്ധന വിലയോടൊപ്പം പാചകവാതക വിലയും വർധിപ്പിച്ചു.

രാജ്യത്ത് ഇന്ധനവില വീണ്ടും വർധിപ്പിച്ചു. പെട്രോളിന് 26 പൈസയും ഡീസലിന് 31 പൈസയുമാണ് കൂട്ടിയത്. വിലവർധിപ്പിച്ചതോടെ കൊച്ചിയിൽ പെട്രോളിന് 89 രൂപ 15 ആയി. ഡീസൽ വില 83 രൂപ 74 പൈസയുമായി. തിരുവനന്തപുരം ജില്ലയിൽ പെട്രോൾ വില 90 രൂപ 94 പൈസയും ഡീസൽ വില 85 രൂപ 14 പൈസയുമാണ്.അഞ്ചു സംസ്ഥാനങ്ങളിലെ തിരഞ്ഞെടുപ്പിനെ തുടര്‍ന്ന് മരവിപ്പിച്ചിരുന്ന ഇന്ധന വിലയാണ് കൂട്ടിയിരിക്കുന്നത്.