സീനിയര്‍ വിദ്യാര്‍ത്ഥികള്‍ക്ക് ബഹുമാനം നല്‍കിയില്ലെന്ന് പറഞ്ഞാണ് പരപ്പനങ്ങാടി കോ.ഓപ്പറേറ്റീവ് കോളജിലെ ഒന്നാം വര്‍ഷ ഡിഗ്രി വിദ്യാര്‍ത്ഥി രാഹുലിനെ സീനിയര്‍ വിദ്യാര്‍ത്ഥികളായ നാല് പേര്‍ ബസ് സ്റ്റാന്റിന് പരിസരത്തേക്ക് വിളിച്ചുകൊണ്ടുപോയി ക്രൂരമായി മര്‍ദ്ദിച്ചത്. ബൂട്ടിട്ട് കണ്ണില്‍ ചവിട്ടിയതിനെതുടര്‍ന്ന് എട്ട് സ്റ്റിച്ചുകളാണ് കണ്ണിന് താഴെയിട്ടത്. മര്‍ദ്ദനമേറ്റ വിദ്യാര്‍ത്ഥി ഇപ്പോള്‍ പരസഹായമില്ലാതെ നടക്കാനാകാത്ത അവസ്ഥയിലാണ്.
രാഹുലിനെ മര്‍ദ്ദിച്ച സീനിയര്‍ വിദ്യാര്‍ത്ഥികളെ കോളെജ് അന്വേഷണവിധേയമായി സസ്പെന്റ് ചെയ്തു. സംഭവത്തില്‍ വിദ്യാര്‍ത്ഥികള്‍ക്കെതിരെ ജാമ്യമില്ലാ വകുപ്പ് പ്രകാരം പരപ്പനങ്ങാടി പൊലീസ് കേസെടുത്തു. സംഭവത്തിന് പിന്നാലെ വീട്ടില്‍ നിന്ന് മാറിയ വിദ്യാര്‍ത്ഥികളെ ഇനിയും കണ്ടെത്താനായിട്ടില്ല.
0 Comments