ഏറെ ആഗ്രഹിച്ച് വാങ്ങിയ മാല ക്ഷേത്ര ദർശനത്തിനിടെ നഷ്ടപ്പെട്ടു; പൊട്ടിക്കരഞ്ഞ് വയോധിക, സ്വന്തം വളകൾ ഊരി നൽകി അഞ്ജാത സ്ത്രീ; കൊല്ലത്ത് നടന്നത് ഇങ്ങനെ

കശുവണ്ടി തൊഴിലാളിയായിരുന്ന സുഭദ്ര ഏറെ കഷ്ടപ്പെട്ടാണ് അല്പം സ്വർണ്ണം വാങ്ങി ധരിച്ചത്. ഇതാണ് ക്ഷേത്ര ദർശനത്തിനിടെ നഷ്ട്ടപ്പെട്ടത്. രണ്ടു പവനോളം വരുന്ന മാല നഷ്ടപ്പെട്ട വിവരം അറിഞ്ഞതോടെ സുഭദ്ര ആകെ വിഷമാവസ്ഥയിലേക്ക് എത്തുു കയായിരുന്നു. ഇതിനിടെ അടുത്തേക്ക് ഒരു സ്ത്രീയെത്തുകയും തന്റെ കയ്യില്‍ കിടന്ന രണ്ടു വളകള്‍ ഊരി നല്‍കുകയും ആയിരുന്നു. ഒറ്റകളര്‍ സാരി ധരിച്ച കണ്ണട വച്ച സ്ത്രീയെ പിന്നെ കണ്ടെത്താനായില്ലെന്ന് മനോരമ റിപ്പോര്‍ട്ട് ചെയ്തു.