വിവാഹമുറപ്പിച്ച യുവതിയുടെ വീട്ടിലെത്തി യുവാവ് തീ കൊളുത്തി ആത്മഹത്യ ചെയ്തു; പ്രണയ നൈരാശ്യമെന്ന് സംശയം.

കോഴിക്കോട് : വിവാഹം നിശ്ചയിച്ച യുവതിയുടെ വീട്ടിലെത്തി വീടിന് തീ വെച്ച് യുവാവ് ആത്മഹത്യ ചെയ്തു. ജാതിയേരി പൊൻപറ്റ വീട്ടിൽ രത്നേഷ് (42)ണ് മരിച്ചത്. നാദാപുരം ജാതിയേരിയിൽ കല്ലുമ്മലിലാണ് സംഭവം. ചൊവ്വാഴ്ച്ച പുലർച്ചെ രണ്ട് മണിയോടെയാണ് രത്നേഷ് അര കിലോമീറ്ററോളം ദൂരെയുള്ള യുവതിയുടെ വീട്ടിലെത്തി അക്രമം നടത്തിയത്. വീടിൻറെ മുറ്റത്തുണ്ടായിരുന്ന ഇരുമ്പ് ഗോവണി ഉപയോഗിച്ച് ഇരുനില കോൺക്രീറ്റ് വീടിൻറെ മുകൾ നിലയിൽ കയറുകയും മരത്തിൻറെ വാതിൽ തകർത്ത് കിടപ്പ് മുറിയിൽ തീ വെക്കുകയായിരുന്നു.