ഫോണ്‍ ചെയ്യുന്നതിനിടെ തര്‍ക്കം; ഭാര്യ ഭര്‍ത്താവിനെ തലയ്ക്കടിച്ച് കൊന്നു

ഇന്നലെ രാത്രി 11 മണിയോടെയായിരുന്നു സംഭവം. പ്രദേശത്തെ ഉത്സവത്തിന് പങ്കെടുക്കാൻ പോയതായിരുന്നു സൗമ്യ. ഉത്സവത്തിന് ശേഷം തിരികെ വന്ന സൗമ്യ, ഷിജു വീടിനു പിന്‍വശത്തിരുന്ന് ഫോണ്‍ വിളിക്കുന്നത് കാണുകയും, ഇത് തമ്മില്‍ ചെറിയ രീതിയിലുള്ള വഴക്കിലേക്ക് നയിക്കുകയും ചെയ്തു. വഴക്ക് തര്‍ക്കത്തിലെത്തുകയും സൗമ്യ ഭര്‍ത്താവിനെ കൊലപ്പെടുത്തുകയുമായിരുന്നു. 

കൊലയ്ക്ക് ശേഷം സൗമ്യ തന്നെയാണ് ഇക്കാര്യം പോലീസില്‍ അറിയിച്ചത്. ഇവര്‍ക്ക് മാനസികാസ്വാസ്ഥ്യം ഉള്ളതായി പോലീസ് സംശയിക്കുന്നുണ്ട്. കഴിഞ്ഞ 4 വര്‍ഷമായി വിദേശത്തുള്ള ഷിജു നാട്ടില്‍ വന്നിട്ട് 10 ദിവസമേ ആയിരുന്നുള്ളൂ.