പൊലീസ് ഉദ്യോഗസ്ഥരെ പൊതുമധ്യത്തിൽ അസഭ്യം പറയുകയും സ്വമേധയാ പരിക്കേൽപ്പിക്കുകയും ചെയ്തുവെന്ന കേസിൽ ബർപേട്ട പൊലീസ് സ്റ്റേഷനിൽ ഏപ്രിൽ 25നാണ് ജിഗ്നേഷ് മേവാനിക്കെതിരെ കേസ് രജിസ്റ്റർ ചെയ്തത്. കേസിൽ അന്നേ ദിവസം തന്നെ അറസ്റ്റിലായ മേവാനിയെ അഞ്ച് ദിവസത്തെ പൊലീസ് കസ്റ്റഡിയിൽ വിട്ടിരുന്നു.
മേവാനിയെ ഗുവാഹത്തി വിമാനത്താവളത്തിൽ നിന്നും കൊക്രജാറിലേക്ക് കൊണ്ടുവന്ന പൊലീസ് സംഘത്തിലെ അംഗമായിരുന്നു വനിത കോൺസ്റ്റബിൾ. യാത്രക്കിടെ മേവാനി തന്നോട് അസഭ്യം പറഞ്ഞെന്നും മോശമായ ആംഗ്യം കാണിച്ച് തന്നെ കാറിൻറെ സീറ്റിലേക്ക് തള്ളിയെന്നും കോൺസ്റ്റബിൾ ആരോപിച്ചതായി പൊലീസ് പറയുന്നു.
പ്രധാനമന്ത്രി നരേന്ദ്ര മോദിക്കെതിരെ ട്വീറ്റ് ചെയ്ത കേസിൽ ജാമ്യം ലഭിച്ചതിന് തൊട്ടുപിന്നാലെയാണ് വനിത പൊലീസ് ഉദ്യോഗസ്ഥയെ കൈയ്യേറ്റം ചെയ്തുവെന്ന കേസിൽ ഗുജറാത്തിലെ പലൻപൂരിൽ നിന്നും മേവാനിയെ പൊലീസ് കസ്റ്റഡിയിലെടുക്കുന്നത്.
0 Comments