കാത്തിരിപ്പില്‍ പൂരപ്രേമികള്‍; തൃശൂര്‍ പൂരം മെയ് 10ന്

ഗംഭീരമായി പൂരം ആഘോഷിക്കാന്‍ ജില്ലാ മോണിറ്ററിങ് കമ്മിറ്റി തീരുമാനിച്ചിരുന്നു. മാസ്‌ക് ധരിക്കുന്നത് ഉള്‍പ്പെടെയുള്ള മുന്‍കരുതലുകള്‍ തുടരണമെന്നാണ് നിര്‍ദ്ദേശം. പൂരം വെടിക്കെട്ട് മേയ് 11നു വെളുപ്പിനു മൂന്നിനാണ്. വെടിക്കെട്ട് നടക്കുന്ന സ്ഥലത്തിനു ചുറ്റുമുള്ള ബാരിക്കേഡ് നിർമാണം മേയ് ആറിനു മുൻപു പൂർത്തീകരിക്കും.

വെടിക്കെട്ടും മുൻ വർഷങ്ങളിലേത് പോലെ തന്നെ നടത്താനും അനുമതി ഉണ്ട്. 15 ലക്ഷത്തോളം ആളുകളെയാണ് ഇത്തവണത്തെ പൂരത്തിന് പ്രതീക്ഷിക്കുന്നത്. നേരത്തെ തൃശൂര്‍ പൂരം നടത്തിപ്പിനായി സര്‍ക്കാര്‍ 15 ലക്ഷം രൂപ അനുവദിച്ചിരുന്നു. ഇതാദ്യമായാണ് തൃശൂർ പൂരം നടത്തിപ്പിന് സർക്കാർ ധനസഹായം നൽകുന്നത്.