കാഞ്ഞങ്ങാട് : സാനിറ്റൈസര്‍ കഴിച്ച് യുവാവ് മരിച്ചു. നെല്ലിക്കാട് ചിറക്കര കുഞ്ഞമ്പുനായര്‍-കെ.വി.കമലാക്ഷി ദമ്പതികളുടെ മകന്‍ കെ.വി.അനില്‍കുമാര്‍(45)ആണ് മരിച്ചത്. പുതിയകോട്ട മിനി സിവില്‍സ്റ്റേഷന് പരിസരത്ത് പരാതികള്‍ എഴുതികൊടുക്കുന്ന തൊഴിലായിരുന്നു ഇയാള്‍ക്ക്‌. ഞായറാഴ്ച രാത്രി സാനിറ്റൈസർ കഴിച്ച് അവശനിലയില്‍ കണ്ട അനില്‍കുമാറിനെ ഉടന്‍ ജില്ലാ ആശുപത്രിയിലെത്തിച്ചെങ്കിലും നിലഗുരുതരമായതിനാല്‍ പരിയാരത്തെ കണ്ണൂര്‍ ഗവണ്‍മെന്റ് മെഡിക്കല്‍ കോളേജ് ആശുപത്രിയിലേക്ക് മാറ്റുകയായിരുന്നു.
ചികിത്സയ്ക്കിടെ തിങ്കളാഴ്ച പുലര്‍ച്ചെയാണ് മരണപ്പെട്ടത്. ഭാര്യ: ബാലാമണി(ഹരിതകര്‍മ്മസേന അംഗം), മക്കള്‍: അഭിഷേക്, അനുരാജ്, അനില (മൂവരും ബല്ല ഗവൺമെൻറ് ഹയർ സെക്കൻഡറി സ്കൂൾ വിദ്യാർഥിയാണ് ),
സഹോദരങ്ങള്‍: കെ.വി.വേണുഗോപാലന്‍, കെ.വി. രാജേന്ദ്രന്‍, കെ.വി. മധുസൂദനന്‍, കെ.വി. ഉണ്ണികൃഷ്ണന്‍, കെ.വി. ശശികല, കെ.വി.സിന്ധു.
0 Comments