ത്രിപുര മുഖ്യമന്ത്രി രാജിവെച്ചു; രാജി ബി.ജെ.പി. നേതൃത്വം ആവശ്യപ്പെട്ടതിനെ തുടർന്ന്

അഗർത്തല : ത്രിപുര മുഖ്യമന്ത്രി ബിപ്ളവ് കുമാർ ദേവ് രാജിവെച്ചു. ശനിയാഴ്ച ഗവർണർ സത്യദേവ് നാരായൺ ആര്യക്ക് അദ്ദേഹം രാജിക്കത്ത് സമർപ്പിച്ചു.

ത്രിപുരയിലെ ആദ്യ ബി.ജെ.പി. മുഖ്യന്ത്രിയായ ബിപ്ളവിനെതിരേ പാർട്ടിയിൽ കുറെക്കാലമായി കലാപം നടക്കുകായിരുന്നു. ബി.ജെ.പി. കേന്ദ്ര നേതൃത്വം ആവശ്യപ്പെട്ടതനുസരിച്ചാണ് ബിപ്ളവിന്റെ രാജി.

ബിജെപി എംഎൽഎമാരിൽ നിന്ന് പുതിയ മുഖ്യമന്ത്രിയെ തിരഞ്ഞെടുക്കാൻ കേന്ദ്ര നിരീക്ഷകരായി കേന്ദ്രമന്ത്രി ഭൂപേന്ദ്ര യാദവിനെയും പാർട്ടി ജനറൽ സെക്രട്ടറി വിനോദ് താവ്‌ഡെയെയും അയക്കാൻ ബിജെപി ഹൈക്കമാൻഡ് തീരുമാനിച്ചു.

ബിജെപിയിൽ നിന്ന് വടക്കുകിഴക്കൻ സംസ്ഥാനത്തിന്റെ ആദ്യ മുഖ്യമന്ത്രിയായി ദേബ് തിരഞ്ഞെടുക്കപ്പെട്ടു. ഇൻഡിജിനസ് പീപ്പിൾസ് ഫ്രണ്ട് ഓഫ് ട്വിപ്രയുമായി (IPFT) പങ്കാളിത്തത്തോടെ 2018 ലെ നിയമസഭാ തിരഞ്ഞെടുപ്പിൽ 25 വർഷത്തെ ഇടതുമുന്നണി ഭരണത്തെ പാർട്ടി പുറത്താക്കി.