കല്യാണത്തിന് മുമ്പേ വരനും വധുവും 'മുങ്ങി'; പരാതിയുമായി വീട്ടുകാര്‍

കല്യാണത്തിന് മുമ്പേ ചെക്കനും പെണ്ണും നാടുവിട്ടത് പൊലീസിനും തലവേദനയായി. ഇരുവരുടേയും മൊബൈല്‍ ഫോണ്‍ സ്വിച്ച് ഓഫ് ചെയ്ത നിലയിലാണെന്ന് പൊലീസ് സൂചിപ്പിച്ചു. ഇരുവരും മാളയില്‍നിന്ന് ഒരുമിച്ച് ബൈക്കില്‍ പോയതായി പോലീസിന് സൂചന ലഭിച്ചിട്ടുണ്ട്.

ഏറെക്കാലമായി പ്രണയത്തിലായിരുന്ന ഇരുവരുടെയും വിവാഹത്തിന് യുവതിയുടെ വീട്ടുകാര്‍ക്ക് താത്പര്യമില്ലായിരുന്നു. നിര്‍ബന്ധത്തിന് വഴങ്ങി ഒടുവില്‍ വീട്ടുകാര്‍ വിവാഹത്തിന് സമ്മതിക്കുകയായിരുന്നു. സുഹൃത്തുക്കളില്‍ നിന്നും വിവരങ്ങള്‍ ശേഖരിച്ച പൊലീസ്, യുവാവിനും യുവതിക്കും വേണ്ടിയുള്ള അന്വേഷണം ഊര്‍ജ്ജിതമാക്കി.