നീരവ് മോദിയുടെ 253.62 കോടി രൂപയുടെ സ്വത്ത് കണ്ടുകെട്ടി!

വജ്രങ്ങൾ, സ്വർണാഭരണങ്ങൾ, ബാങ്ക് നിക്ഷേപങ്ങൾ എന്നിവയടക്കമുള്ളവയാണ് കണ്ടുകെട്ടിയത്. കണ്ടുകെട്ടിയുള്ള സ്വത്തുക്കളെല്ലാം ഹോങ്കോങ്ങിലാണെന്നും ഇ.ഡി പ്രസ്താവനയിലൂടെ അറിയിച്ചു. സ്വർണ-വജ്രാഭരണങ്ങളിൽ ചിലത് ഹോങ്കോങ്ങിലെ സ്വകാര്യ ലോക്കറുകളിൽ സൂക്ഷിച്ച നിലയിലായിരുന്നു.

നിക്ഷേപങ്ങളും ഇവിടെയുള്ള ബാങ്കുകളിൽ തന്നെയാണെന്നാണ് വിവരം. ഇവ കള്ളപ്പണം വെളുപ്പിക്കൽ നിയമപ്രകാരം കണ്ടുകെട്ടുകയായിരുന്നെന്ന് ഇ.ഡി പറഞ്ഞു. പി.എൻ.ബി തട്ടിപ്പുമായി ബന്ധപ്പെട്ട് നിലവിൽ യു.കെയിലെ ജയിൽ കഴിയുകയാണ് 50 -കാരനായ നീരവ്.