പുതിയ പാർലമെന്‍റ് കെട്ടിടത്തിലെ അശോക സ്തംഭ സിംഹങ്ങൾക്ക് ഭാവ വ്യത്യാസമുണ്ടെന്ന വിമർശനങ്ങളോടുള്ള പരോക്ഷ വിമർശനമാണ് വി.ടി ബൽറാം ഫേസ്ബുക്ക് പോസ്റ്റിലൂടെ പങ്കുവെച്ചിരുന്നത്. 'എന്തിനാണ് ഈ ദൈവങ്ങളൊക്കെ ഇങ്ങനെ കലിപ്പന്മാരാവുന്നത്? ഒരു പൊടിക്ക് ഒന്നടങ്ങിക്കൂടെ' എന്നാണ് അദ്ദേഹം ഫേസ്‌ബുക്കിൽ കുറിച്ചത്. ഹിന്ദു ആരാധനാ ദൈവങ്ങളായ ഹനുമാന്‍റെയും ശിവന്‍റെയും ചിത്രങ്ങൾ ഉൾപ്പെടുത്തിയാണ് വി.ടി ബൽറാം പോസ്റ്റ് പങ്കുവെച്ചിരുന്നത്.
ഈ പോസ്റ്റിനെ തുടർന്ന് ശിവഭക്തനായ തനിക്ക് മാനസിക വിഷമം ഉണ്ടായതായും അതുകൊണ്ടാണ് സംഘപരിവാർ എന്ന് മുദ്രകുത്തിയാലും നിയമ നടപടിക്ക് ഒരുങ്ങിയതെന്നും മധു പറഞ്ഞതായി മാധ്യമങ്ങൾ റിപ്പോർട്ട് ചെയ്തു. കോൺഗ്രസ് പ്രവർത്തകനും നെഹ്റു പീസ് ഫൗണ്ടേഷൻ ജില്ലാ പ്രസിഡൻ്റുമാണ് ജി.കെ മധു.
0 Comments