ഈ മാസം 21-ാം തിയതിയാണ് പത്തനംതിട്ട പോലീസ് സ്റ്റേഷന് സമീപത്തെ ബീവറേജ് പ്രീമിയം കൗണ്ടറില്‍ കാമറ ഉള്ളതറിയാതെ മോഷ്ടാക്കള്‍ മദ്യം മോഷ്ടിച്ചത്. കൗണ്ടറിലെത്തിയ മോഷ്ടാക്കള്‍ ജീവനക്കാരുമായി ആദ്യം മനപൂര്‍വ്വം തര്‍ക്കമുണ്ടാക്കി. ഈ സമയം മോഷ്ടാക്കളിലൊരാള്‍ വിലക്കൂടിയ മദ്യം മോഷ്ടിച്ചു. പിന്നീട് കൗണ്ടറിലെത്തി ജീവനക്കാര്‍ക്ക് കൈയ്യും കൊടുത്ത ശേഷമാണ് മോഷ്ടാക്കള്‍ പോയത്.
വൈകിട്ട് കട അടയ്ക്കുന്നതിന് മുന്‍പ് സ്റ്റോക്ക് പരിശോധിച്ചപ്പോഴാണ് മോഷണ വിവരം ജീവനക്കാര്‍ അറിയുന്നത്. തുടര്‍ന്ന് സിസിടിവി പരിശോധിച്ചപ്പോഴാണ് മോഷണ ദൃശ്യങ്ങള്‍ ലഭിച്ചത്. ഇതോടെയാണ് ദൃശ്യങ്ങള്‍ സഹിതം ഷോപ്പ് മാനേജര്‍ പത്തനംതിട്ട പോലീസില്‍ പരാതിയും നല്‍കി. രണ്ട് മോഷ്ടാക്കള്‍ക്കായി അന്വേഷണം തുടങ്ങിയതായി പോലീസ് അറിയിച്ചു.
0 Comments