ആദായ നികുതി റിട്ടേൺ; അവസാന തീയതി നീട്ടില്ലെന്ന് കേന്ദ്രം

നടപ്പു സാമ്പത്തിക വർഷം ജൂലൈ 20 വരെ 2.3 കോടിയിലധികം ആദായ നികുതി റിട്ടേണുകൾ ഫയൽ ചെയ്തതായി അദ്ദേഹം പറഞ്ഞു. വരും ദിവസങ്ങളിൽ ഇത് വർധിക്കും. കഴിഞ്ഞ സാമ്പത്തിക വർഷം ഏകദേശം 5.86 കോടി ആദായ നികുതി റിട്ടേണുകളായിരുന്നു ഫയൽ ചെയ്തിരുന്നത്.

തീയതികൾ നീട്ടുന്ന പതിവ് തുടരുമെന്ന് ആളുകൾ കരുതി. അതുകൊണ്ട് ആദ്യം റിട്ടേണുകൾ സമർപ്പിക്കുന്നത് അൽപ്പം മന്ദഗതിയിലായിരുന്നു, എന്നാൽ ഇപ്പോൾ പ്രതിദിനം 15 ലക്ഷം മുതൽ 18 ലക്ഷം വരെ റിട്ടേണുകൾ ഞങ്ങൾക്ക് ലഭിക്കുന്നു. ഇത് 25 ലക്ഷം മുതൽ 30 ലക്ഷം വരെ ആയി ഉയരും -അദ്ദേഹം പറഞ്ഞു.