കൊല്ലം ജില്ലയ്ക്ക് ഇന്ന് 73 വയസ്സ്; സാമ്പ്രാണി തുരുത്തും, ജഡായു പാറയും, മൺറോതുരുത്തും പിന്നെ തങ്കശേരി ലൈറ്റ് ഹൗസും; കാണാനെറെയുള്ള അഷ്‌ടമുടി കായലും

1949 ജൂലായ്‌ ഒന്നിനാണ് സംസ്ഥാനത്തെ ഏറ്റവും വലിയ നാലാമത്തെ നഗരം ഉൾക്കൊള്ളുന്ന കൊല്ലം ജില്ല പിറന്നത്. 1956 നവംബർ ഒന്നിന് കേരളം പിറന്നപ്പോൾ ഈ നാല് ജില്ലകൾക്ക് പുറമേ മലബാർ ജില്ല കൂടി സംസ്ഥാനത്തിന്‍റെ ഭാഗമായി. സംസ്ഥാനത്ത്‌ വിസ്‌തൃതിയിൽ എട്ടാം സ്ഥാനമുള്ള കൊല്ലത്തിന്‍റെ വിസ്‌തൃതി 2491 ചതുരശ്ര കിലോമീറ്ററാണ്.

തിരുവിതാംകൂർ-കൊച്ചി സംയോജനത്തോടെയാണ്‌ തിരുവിതാംകൂറിലെ കൊല്ലം ഡിവിഷൻ കൊല്ലം ജില്ലയായി തീർന്നത്. 1859-ൽ എട്ട് താലൂക്കുകൾ ചേർത്ത്‌ കൊല്ലം ഡിവിഷൻ രൂപീകരിക്കപ്പെട്ടു. പത്തനാപുരം, പുനലൂർ, കുന്നത്തൂർ, കൊട്ടാരക്കര, കരുനാഗപ്പള്ളി, കൊല്ലം എന്നിങ്ങനെ ആറ് താലൂക്കുകളാണ് കൊല്ലം ജില്ലയില്‍ ഉള്ളത്.

കൊല്ലം കോർപ്പറേഷൻ, പുനലൂർ, പരവൂർ, കരുനാഗപ്പള്ളി, കൊട്ടാരക്കര എന്നീ നാല് നഗരസഭകൾ, 13 ബ്ലോക്ക് പഞ്ചായത്തുകൾ, 71 ഗ്രാമപ്പഞ്ചായത്തുകൾ എന്നിവ അടങ്ങിയ ജില്ലയിലെ ജനസംഖ്യ 26,29,703 ആണ്. ടുറിസത്തിന് പ്രാധാന്യമുള്ള അഷ്‌ടമുടി കായലും, തങ്കശേരി ലൈറ്റ് ഹൗസും, ജഡായു പാറയും, മൺറോതുരുത്തും ഒപ്പം സാമ്പ്രാണിതുരുത്തും എല്ലാം ജില്ലയുടെ മാറ്റു കൂട്ടുന്നു.