ഗൗതമും കൊല്ലപ്പെട്ട മനീഷ ജയ്‌ശ്വറും (27) പ്രണയത്തിലായിരുന്നു. ഇവര്‍ അടുത്ത് തന്നെ വിവാഹം കഴിക്കാൻ പദ്ധതിയിട്ടിരുന്നതായും പൊലീസ് പറയുന്നു. എന്നാല്‍ മനീഷയ്ക്ക് മറ്റൊരാളുമായി ബന്ധമുണ്ടെന്ന് ഗൗതത്തിന് സംശയം ഉണ്ടായി.
വ്യാഴാഴ്ച പുലർച്ചെ സബർബൻ കാണ്ടിവാലിയിലെ മനീഷയുടെ വസതിയിലേക്ക് പോയ ഗൌതം മനീഷയുമായി തര്‍ക്കത്തിലാകുകയും ഒടുവില്‍ കഴുത്ത് അറുക്കുകയുമായിരുന്നു. യുവതിയെ ഓടിക്കൂടിയ അയല്‍വാസികള്‍ ഉടൻ തന്നെ ആശുപത്രിയിൽ എത്തിച്ചെങ്കിലും, ആശുപത്രിയില്‍ പ്രവേശിപ്പിക്കുന്നതിന് മുമ്പ് അവർ മരിച്ചതായി സ്ഥിരീകരിച്ചു.
അവളുടെ തലയിലും രണ്ട് വലിയ മുറിവുകൾ ഉണ്ടായിരുന്നു എന്നാണ് പൊലീസ് പറയുന്നത്. തുടർന്ന് കൊലപാതകത്തിന് കേസ് രജിസ്റ്റർ ചെയ്തു പ്രതിക്കായി പൊലീസ് വ്യാപക അന്വേഷണം ആരംഭിച്ചു. കേസ് അന്വേഷിക്കാൻ പോലീസ് മൂന്ന് സംഘങ്ങളെ നിയോഗിച്ചു.
മനീഷയുടെ കാമുകനെക്കുറിച്ചുള്ള വിശദാംശങ്ങൾ ലഭിച്ച പോലീസ് അവനെ കണ്ടെത്തുകയും കൊലപാതകത്തിന് ഇയാളെ അറസ്റ്റ് ചെയ്യുകയും ചെയ്തു. കൂടുതൽ അന്വേഷണം തുടരുകയാണെന്ന് ഉദ്യോഗസ്ഥർ പറഞ്ഞു.
0 Comments