പ്രശസ്ത ബ്രിട്ടീഷ് ബാലസാഹിത്യകാരൻ റെയ്മണ്ട് ബ്രിഗ്‌സ് അന്തരിച്ചു

1934-ൽ ലണ്ടനിൽ ജനിച്ച ബ്രിഗ്സ് കുറച്ചുകാലം പരസ്യമേഖലയിൽ ജോലി ചെയ്ത ശേഷമാണ് ചിത്രകഥാ രചനയിലേക്ക് കടക്കുന്നത്. 1966-ൽ തയ്യാറാക്കിയ നഴ്സറിഗാനങ്ങളുടെ സമാഹാരമായ ദി മദർ ഗൂസ് ട്രഷറി ഏറെ ശ്രദ്ധിക്കപ്പെട്ടിരുന്നു. ബാലസാഹിത്യത്തിലെ ഓസ്‌കർ എന്നറിയപ്പെടുന്ന കേറ്റ് ഗ്രീൻ എവേ മെഡലിനും അദ്ദേഹം അർഹത നേടിയിട്ടുണ്ട്. 1970-ലും ഈ പുരസ്‌കാരം ലഭിച്ചു. 1977-ൽ ഫംഗസ് ദി ബൂഗിമാനും 1978-ൽ സ്നോമാനും പുറത്തിറങ്ങി.

ബ്രിഗ്സിന് ഏറെ പ്രസിദ്ധി നേടിക്കൊടുത്ത സ്നോമാൻ ലോകത്താകമാനം 55 ലക്ഷം കോപ്പികളാണ് വിറ്റഴിഞ്ഞത്. 1982-ൽ പുറത്തിറക്കിയ ഈ ചിത്രകഥയുടെ ആനിമേഷൻ വകഭേദം പിന്നീടുള്ള എല്ലാ ക്രിസ്തുമസിനും ബ്രിട്ടീഷ് ടി.വിയിൽ സംപ്രേക്ഷണം ചെയ്യുന്നുണ്ട്.