വധശ്രമക്കേസില്‍ എസ്എഫ്ഐ സംസ്ഥാന സെക്രട്ടറി പി എം ആര്‍ഷോയ്ക്ക് ജാമ്യം അനുവദിച്ച് ഹൈക്കോടതി.സാക്ഷികളെ സ്വാധീനിക്കരുത്, സമാനമായ കുറ്റത്തിലേര്‍പ്പെടരുത് എന്നീ ഉപാധികളോടെയാണ് ജാമ്യം അനുവദിച്ചിരിക്കുന്നത്. നേരത്തെ പിജി പരീക്ഷ എഴുതാനായി കോടതി ഇടക്കാല ജാമ്യം അനുവദിച്ചിരുന്നു.
ജസ്റ്റിസ് വിജു എബ്രഹാമിന്റേതാണ് ഉത്തരവ്. 2018ല്‍ എറണാകുളം ഗവര്‍ണമെന്റ് ലോ കോളേജില്‍ വെച്ച് വിദ്യാര്‍ത്ഥിയെ ആക്രമിച്ച കേസിലാണ് പിഎം ആര്‍ഷോയ്ക്കെതിരെ കേസെടുത്തത്. കേസില്‍ ജാമ്യവ്യവസ്ഥകള്‍ ലംഘിച്ചതിനെ തുടര്‍ന്ന് കോടതിയുടെ നിര്‍ദ്ദേശപ്രകാരം ആര്‍ഷോയെ റിമാന്‍ഡ് ചെയ്യുകയായിരുന്നു. കഴിഞ്ഞ ജൂണിലാണ് ആര്‍ഷോയെ പൊലീസ് അറസ്റ്റ് ചെയ്തത്.
0 Comments