കൊല്ലത്ത് നിരോധിത പുകയില ഉൽപന്നങ്ങളുമായി യുവാവ് അറസ്റ്റിൽ

വിദേശത്ത് നിന്നും നാട്ടിൽ എത്തിയ ഇയാൾ ചുരുങ്ങിയ സമയം കൊണ്ട് അമിതാദായം ഉണ്ടാക്കുന്നതിന് വേണ്ടിയാണ് നിരോധിത പുകയില ഉൽപ്പന്നങ്ങളുടെ വ്യാപാരത്തിലേക്ക് കടന്നത്. 25 ചെറിയ പാക്കറ്റ് വീതം കൊള്ളുന്ന നൂറോളം കവർ പുകയില ഉൽപ്പനങ്ങൾ ആണ് ഇയാളുടെ പക്കൽ നിന്നും പോലീസ് പിടികൂടിയിത്. 1,75000 രൂപയോളം വില വരുന്ന ഉൽപ്പന്നങ്ങളാണ് പിടികൂടിയത്. രഹസ്യ വിവരത്തിന്റെ അടിസ്ഥാനത്തിൽ കൊല്ലം ഈസ്റ്റ് പോലീസ് നടത്തിയ പരിശോധനയിലാണ് ഇയാളെ പിടികൂടാൻ ആയത്.

കൊല്ലം ഈസ്റ്റ് ഇൻസ്പെക്ടർ അരുൺ ജി യുടെ നേതൃത്വത്തിൽ സി.പി.ഒ മാരായ സുനിൽ, രഞ്ജിത്ത് എന്നിവരടങ്ങിയ സംഘമാണ് ഇയാളെ പിടികൂടിയത്.