സാമ്പ്രാണിക്കോടിയിൽ ബന്ധുവിൻ്റെ അടിയേറ്റ് മധ്യവയസ്ക്കൻ മരിച്ച സംഭവം; പോസ്റ്റുമാർട്ടം നാളെ

 

വഴിയുടെ പേരിൽ കുടുംബങ്ങൾ തമ്മിൽ മുമ്പും വഴക്കുകൾ ഉണ്ടായിട്ടുണ്ട്. പ്രാക്കുളത്ത് നടന്ന ഓണാഘോഷത്തിനിടയിൽ വാഹനം പാർക്ക് ചെയ്യുന്നതിനെച്ചൊല്ലി ഉണ്ടായ തർക്കമാണ് സംഭവത്തിന് കാരണം എന്ന് പറയപ്പെടുന്നു.

വക്കേറ്റത്തെ തുടർന്നുണ്ടായ സംഘർഷത്തിൽ തലയ്ക്ക് ഗുരുതരമായി പരിക്കേറ്റ ജയപ്രകാശിനെ കൊല്ലം അയത്തിലെ സഹകരണ ആശുപത്രിലേക്കും തുടർന്ന് വിദഗ്ധ ചികിത്സയ്ക്കായി തിരുവനന്തപുരം മെഡിക്കൽ കോളേജ് ആശുപതിയിലേക്കും മാറ്റിയെങ്കിലും ജീവൻ രക്ഷിക്കുവാനായില്ല. കഴിഞ്ഞ ദിവസം മരണം സംഭവിച്ചു.

സംഭവത്തിൽ പ്രതിയായ ഷാനുവിനെ അഞ്ചാലുംമൂട് എസ്.എച്ച്.ഓ സി. ദേവരാജൻ്റെ നേതൃത്വത്തിലുള്ള പോലീസ് സംഘം കഴിഞ്ഞ ദിവസം കസ്റ്റഡിയിലെടുത്ത് റിമാൻ്റ് ചെയ്തിരുന്നു. പ്രതിക്കെതിരെ വധശ്രമം ഉൾപ്പെടെയുള്ള വകുപ്പുകൾ ചുമത്തിയാണ് കേസെടുത്തത്. ആക്രമണത്തിനിരയായ ജയപ്രകാശിൻ്റെ മരണം സ്ഥിരീകരിച്ചതോടെ കൂടുതൽ വകുപ്പുകൾ പ്രതിക്കെതിരെ ചുമത്താൻ സാധ്യതയുണ്ട്.