പ്രായമായ അമ്മയെയും മധ്യവയസ്കനായ മകനെയും വീടിനുള്ളിൽ മരിച്ച നിലയിൽ കണ്ടെത്തി

ഇന്ന് പുലർച്ചെ രാജമ്മയുടെ ഇളയ മകനാണ് മാതാവിന്റെയും ജ്യേഷ്ടന്റെയും മൃതദേഹങ്ങൾ കണ്ടെത്തിയത്. രാജമ്മയുടെ മൃതദേഹം കിടപ്പുമുറിയിലാണ് കാണപ്പെട്ടത്. മൂത്ത മകൻ സുഭാഷിന്റെ മൃതദേഹം ഇയാളുടെ മുറിയിലുമാണ് കണ്ടെത്തിയത്.

രാജമ്മ വാർധക്യ സഹജമായ അസുഖത്തെ തുടർന്ന് കിടപ്പിലായിരുന്നു. ഇളയ മകൻ മധു എഴുന്നേറ്റപ്പോൾ മാതാവ് അനക്കമില്ലാതെ കിടക്കുകയായിരുന്നു. തുടർന്നാണ് മധു സുഭാഷിനെ വിളിച്ചതും സുഭാഷും മരിച്ചു എന്ന് കണ്ടെത്തിയതും. തുടർന്ന് മധു ചിങ്ങവനം പൊലീസിലെ വിവരം അറിയിച്ചു. പോലീസ് എത്തി തുടർ നടപടികൾ സ്വീകരിച്ചു. കൂടുതൽ വിവരങ്ങൾ അറിവായിട്ടില്ല.